Persiza Servisu Hamutuk ho Esforsu Ne’ebe Maka’as atu Hapara Violensia Kontra Feto

Dili, 9 Maiu, 2014 Online -Radio Liberdade_Sekertaria do Estado Promosaun Igualdade (SEPI), Idelta Maria Rodrigues afirma lia hirak ne’e iha lansamentu “Programa Hapara Violensia Kontra Feto Fundasaun Azia” iha salaun Joao Paulo II. Idelta hateten “atu hapara violensia kontra feto persiza servisu hamutuk no esforsu hodi halo estratezia ida nebe diak hodi bele halakon violensia hasoru feto no labarik iha Timor Leste”.

Dehan nia Iha fatin hanesan Ministra Solidaridade Sosial ( MSS), Sra. Isabel Amaral Guterres hateten “MSS iha papel importante atu suporta no fo mahon iha emergensia nia laran ba vitima violensia domestika liu husi parseiru NGO sira”.

Nia hatutan “Ita tenke prova ita-nia servisu no programa sira liuhusi fó apoiu ho kualidade aas ba vítima sira. Ita tenke garantia katak servisu apoia feto sira hodi prienxe sira-nia nesesidade bázika ba seguransa, mahon, maneira buka moris no bem-estar fíziku no emosionál”.

Iha lasamentu ne’e mos Embaixador Boa Vontade Ba Edukasaun Kirsty Sword Gusmao realsa katak “iha nasaun dezenvolvidu hanesan Australia mos sei akontese violensia hasoru feto, nune’e mos ho rai dezenvolvidu sira seluk”.

Kirsty afirma liu tan katak “NGO sira nebe iha Australia dala barak hetan difikuldade atu responde ba nesesidade ba vitima sira nebe hetan violensia”.

Embaixador Australia iha Timor Leste, Peter Doyle iha nia intervensaun mos husu ba feto no mane iha Timor Leste atu servisu hamutuk hodi hapara violensia domestika. Susan Marx, Country Representative The Asia Foundation” orugulhu no fo agradese ba suporta ne’ebe Embaisada Australia fo ba Timor Leste liu husi The Asia Foundation iha halao aktividade sira hanesan Haforsa feto iha justisa no kontra violensia oioin hasoru feto

” Susan hatutan liutan “Ita presiza apoiu kontínua ba tempu naruk no resposta intersetoriál hodi tau matan loloos ba violénsia hasoru feto, no tenke fó apoiu adekuadu ba feto sira ne'ebé afetadu husi violénsia, no muda ema nia hahalok,, nia mos dehan suporta ne’ebe hetan sei halao durante tinan 4 no sei hatutan to’o tinan 4 tuir mai tan”