
Radio,Online-Atu Hametin Relasaun entre Sekertaria Estadu ba Promosaun Igualdade ho Media sira hodi hakbi’it papel Media ba promosaun Igualdade Jėneru (SEPI) halao Inkontro ho Media Nasional sira iha Salaun Maria Gorete,Sekertaria Estadu ba Promosaun Igualdade,Eis Obrigado Barrack,Rua de Caicoli.
“hau hakarak hato’o hau nia agradesemento ba media tomak ho ita bo’ot sira nia kontribuisaun ne’ebe ita bo’ot sira fo mai barak iha area igualdade jėneru hodi nune mak ita nia populasaun iha teritoriu laran tomak bele akompanya saida mak feto sira halo ona iha rai ida ne’e.”dehan Ideta Sekertaria Estadu ba Promosaun Igualdade firma liu tan katak Media nia papel ne’e muinto importante tamba ho media mak bele hasai nutisia, bele hasai aktividades e bele hasai dezenvolvimentos saida deit mak rai ida ne’e halao.
“Hau halo knar iha IV Governo e kontinua iha V Governo ita hotu hatene katak laos permeiru vez laos halo sorumutu ho media maibe ida ne’e hanesan pas parte ida husi planu asaun anual husi departamentu media ne’ebe halo Enkontru kordenasaun,halo estratezia ida atu hametin relasaun,kordenasaun diak entre SEPI ho media Timor-Leste tantu husi televizaon,jornais,radio,hau hanoin importante tebtebes tamba mos ami hatene katak laos deit kontribuisaun media halo iha nivel nasional maibe mos ita bo’ot sira nia kontribuisaun ne’ebe ita bo’ot sira akompanya halo durante ne’e to’o iha area remotas.”
Idelta Maria Rodrigues realsa liu tan katak mekanismu kordenasaun ida ne’e presija hametin,presija habelar e presija kontinua tamba kordenasaun ida ne’e mak sai mos hanesan dalan ida ou meus ida atu SEPI utuliza hodi nune bele koalia direita ba progresu ka dezafius balun nebe mak media sira halo intermus de promosaun direitu Feto,intermus de promosaun ba dezenvolvementu igualdade de jeneru iha Timor –Leste.
