
Dili - Radio online, Sekretariu Estadu Komunikasaun Social, Nelio Isaac Sarmento, halo lansamentu ba Radio Metro FM hodi transforma Centru Radio Komunidade (CRC) sai Radio kapital nian, hodi transmite informasaun ba komunidade relasiona ho aktividade Guverrnu nian.
Lansamentu ne’e hala’o iha sesta feira loron 02/08/14, iha Quintal Bo’ot Dili. Iha lansamentu ne’e Sekretariu Estadu komunikasaun social, Nelio Isaac Sarmento, hateten “Radio Metro FM ejiste atu ajuda guvernu hodi transforma informasaun relasiona ho aktividade guverno nian ba komunidade no hanesan centru Edukativu ida ba joven sira ne’ebe interesante ba iha area jornalismu nia no sai mos sentro ida atu apoiu radio komunidade iha distritu tomak”.
Nia mos hatutan tan, ejistensia Radio Metro FM sei divulga mos informasaun liliu kona ba perparasaun ba estabelementu kamara munisipiu , no nia mos husu ba Ministériu sira atu utiliza didiak Metro FM atu dezamina informasaun iha kada Ministériu. No guvernu mos iha planu atu aumenta tan. “hau husu ba sira ne’ebe servisu iha area komunikasaun iha Ministériu idak-idak atu utiliza didiak meus ne’ebe Sekretariu Estadu Kominikasaun kria liliu Radio Metro FM tamba radio ne’e hanesan ita bo’ot sira nia kanal ida duni atu hatutan ita boot sira nia informasaun” tenik Nelio Isaac.
Radio Metro FM ho nia fm 94.7 MHZ, ne’ebe uluk hanaran Centro radio komunidade (CRC) hari husi ornganizasaun Internasional Bancu Mundial no agora dadaun halo nia funsaun hanesan radio kapital ne’ebe nia frekuensia kobre iha Kapital Dili.
