Radio online- Comisaun Anti Korupsaun (CAC) Timor-Leste no Komisi Pemberatasan Korupsi (KPK)Indonesia halao Workshop Durante Loron Rua 14-15/8/2014 iha Salaun Business Palm Center, Hudi Laran Dili.
Comisario CAC Aderito Tilman afirma katak “Objectivu husi Workshop ne’e mak KPK husi Indonesia atu fahe sira nia esprensia ba iha CAC Timor –Leste hodi ida ne’e mak CAC Timor –Leste bolu sira mai para CAC bele hetan esprensia sira ne’e hodi bele dezenvolve diak Comisaun anti Korupsaun iha Timor-Leste atu iha futuru bele halao papel ho diak tantu iha area prevensaun ,peskiza no criminal”.
Iha fatin hanesan reprejentante KPK Husi Indonesia Johnson Ginting realsa katak “maske CAC Timor-Leste foin mak hari tinan sanolu hanesan Organisaun nebe nurak ita tenke koko atu estuda no estuda bebeik no oinsa ita atu estuda ita tenke estuda husi organizasaun ne’ebe mak iha Timor-Leste no iha Nasaun sira seluk”.
Johnson Ginting realsa liu tan katak “espera katak ho ami nia esprensia nebe mak ami iha durante ne’e bele fo benifisiu ba Comisaun Anti Korupsaun Iha Timor-Leste hodi nune bele hamosu programa –programa nebe foun hodi nune bele fo rejultadu nebe diak ba Povu Timor-Leste”.
Liu husi Workshop ne’e Prokurador Geral Republika Jose Da C. Ximenes hateten katak “iha workshop ne’e iha buat ida mak intersante tebes atu maluk sira husi CAC Timor-Leste atu bele aprende mak hanesan servisu hamutuk entre Internasional no Nasional esperensia husi KPK Indonesia ne’e rasik”.
Iha workshop ne’e CAC Timor-Leste mos konvida Indonesian Corruption Watch ( ICW) nudar sosiadade sivil nebe durante ne’e halao aktividade kontra korupsaun Indonesia atu sira fahe experiensia ba sosiadade sivil iha Timor-Leste.
