
Radio online-FOKUPERS organiza treinamentu ho tema “Treinamentu Ba Treinadores Violensia Bajeia Ba Generu”, durante loron hat (25-28/8/2014) iha Salaun FOKUPERS, farol, Dili.
Direitora FOKUPERS, Marilia da Silva Alves informa katak “Treinamentu ne’e halao ba trenador sira husi distritu walu (8), komposto husi membru grupu sira, nomos organizasaun parseiru balun haensan Ermera, Likisa, Bobonaro, Kovalima, Manufahi, Vikeke no Manatuto, inklui mos Dili”.
Marilia hatutan katak “treinamentu ne’e halao tamba iha tinan kotuk FOKUPERS lansa ona manual konaba violensia bazeia ba generu nune’e molok uja sei halo treinamentu hanesan parte ida atu kapasita, oinsa bele uja modul ne’e, atu fasilita fila-fali treinamentu iha ida idak nia fatin, nomos atu halo teste ka uji coba ba modul ne’e rasik”.
Iha fatin hanesan.Maria Fatima Sara, kordenadora konsensializasaun no hakbiit feto iha komunidade, mos imforma katak “treinamentu ne’e, iha parte teoria koalia liu kona ba kontestu generu no seksu depois sistema patriakal, oinsa teknik fasilita ba treinador sira.
Maria moss haklean liu katak “treinamentu ne’e hetan suporta husi Sekretario Estadu Promosaun Igualdade (SEPI)”.
