Dili -Radio online – Prosesu julgamentu ba kazu violensia domestika lao diak liu Lia, hirak ne’e esplika husi Lola Menezes, koordenadora Unidade Justica ba Feto no Labarik (WCJU) , JSMP, iha knar fatin, kolmera, Dili, iha loron segunda(1/9/2014).
Nia mos esplika katak “ prossesu julgamentu ba kazu violensia antes lei kontra violensia domestika tama iha vigor, konsidera violensia domestika hanesan krime semi publiku, signifika katak vitima deit bele ba hato’o keixa, maibe depois de lei kontra violensia domestika tama ona iha vigor, konsidera violensia domestika hanesan krimi publiku, signifika katak ema se deit maka hatene akontesementu konaba violensia domestika, bele halo denunsia, hare katak antes lei kontra violensia domestika iha, prossesu iha tribunal ba kazu violensia domestika menus, maibe depois de lei violensia domestika tama iha vigor, tuir ami nia monitorizasaun hare katak iha tribunal kada loron halo julgamentu ba kazu violensia domestika ne’e barak, kompara ho antes lei kontra violensia domestika tama iha vigor”
Lola mos haktuir katak “hahu husi janeiru to’o mai iha Junhu, kazu violensia domestika no kazu violasaun sexual mak julga iha tribunal, tuir ami nia monitorizasaun hamutuk walunolu resin haat”.
Lola afirma “tuir ami nia hare katak agora prossesu lao ho diak, tantu uluk liu kazu barak mak pendenti, maibe agora kazu barak mak nia prossesu tama iha ne’eba latoo fulan nia hetan ona desizaun, nia prossesu ne’e lais liu”.
