Lembaga Kantor Berita Nasional (LKBN) ANTARA prontu ajuda TL

Jakarta, Radio Online.  Jornalista Timor-Leste hamutuk rua nolu resin (25) ne’ebe tuir treinamentu iha Lembaga Pers Dr Soetomo (LPDS), iha Kuarta 03/09/14 ba visita Agencia Nasional de Noticias Antara iha Jakarta pusat Indonesia, hodi hare prosesu produsaun Notisia iha Lembaga kantor Berita Nasional (LKBN) Antara.

 

Iha visita ne’e Direktor LKBN Antara, Saiful Hadi hateten Antara sei fo suporta ba nasaun Timor-Leste ne’ebe mak iha prosesu atu hari Agencia Notisia iha Timor Leste. “Antara prontu atu suporta bainhira Timor-Leste hari agencia notisia” tenik Saiful Saiful hateten durante ne’e LKBN Antara hetan fundus 50% husi guvernu no seluk tan husi produtu notisia tantu h textu no imagen ne’ebe sira faan ba media sira iha Indonesia.

Iha biban ne’e nia rekomenda ba jornalista 25 hodi hala’o estagiu iha LKBNno akompnha prosesu sira iha agencia Antara atu aumenta esperensia no sai mos hanesan referensia ba. Agencia Notisia Antara harií iha tinan 1937, tempu belanda nia ukun no 2007 ofisialmente sai hanesan Agencia Nasional iha Indonesia.

Jornalista sei partisipa iha treinamentu ne’e durante fulan rua iha Jakarta, Indonesia.  Sira nain rua nulu resin lima ne’e mai husi Media jornais, TV no radio iha Timor-Leste.

Formasaun iha LPDS Jakarta ne’e hetan apoiu finansia husi Sekretaria Estado do Komunikasaun Sosial ( SEKOMS).