Komando Organiza Enkontru ho PNTL Dili Hasoru Eleisaun 2012

Radio, online – Hodi garante estabilidade ba prosesu eleisaun jeral 2012, Komando Polisia Nasional Timor -Leste  (PNTL) realiza  enkontru ho komando Distritu Dili hodi haforsa servisu PNTL nian ba prosesu tomak iha eleisaun mai ne’e. Tanba Distritu Dili numeru populasaun barak no numeru violensia as iha nasaun ne’e.

 

Enkontru ne’e halao iha Komando PNTL Distritu Dili, Kaikoli, Kuarta (27/7). Komisairu PNTL Longuinhos  Monteiro iha nia abertura hatete, liu husi enkotru ne’e bele fo koinesementu diak liu tan ba membru polisia sira wainhira atua kualkuer aktu violensia  ne’ebe hasoru, liliu iha kapital Dili.

“Objetivu lolos atu foka seguransa ne’ebe diak ba prosesu eleisaun atu mai ne’e. Fo hatene ba komando PNTL distrital sira wainhira halo levantamentu kasu ruma tenki baseia ba levantamentu risku no aktividades depende deit ba numero sentru votasoens ne’ebe sei tau iha fatin votasaun,”Longuinhos apela.

Longuinhos realsa,  polisia nasional halo nia misaun kumpri nia misaun atu bele asegura  eleisaun nee lao ho pas,susesu  no komunidade  bele  partisipa iha festa demokrasia.

Iha fatin hanesan, Komadante PNTL Distrital Dili Pedro Belo husu ba populasaun sira, konaba isu kilat ilegal ne’ebe publika hela namanas. Belo husu ba populasaun sira labele tauk no paniku tamba ema balun halo knal pot motor nia tarutu kilat nia tarutu.

“sira ne’ebe halo knal pot motor lian tarutu hanesan kilat polisia sei prende no fo multa. Kauza ne’e bele influensia establidade nasional no halo instabillidade situasaun sai la hakmatek,” realsa Perdo,

Dili La Iha Kilat Ilegal

Komisairu PNTL ne’e mos responde ba rumoris dehan kital ilegal espalha iha Dili laran iha tempu kalan, tuir Komandante aifunan rua ne’e hatete, iha kapital Dili la iha kilat ilegal.

Tuir Longuinhos, nia rasik la  fiar ho kilat ilegal ne’ebe lian iha kapital Dili   tanba durante ne’e   banhira kilat tarutu komunidade rasik la fo informasaun ba iha PNTL. Longguinhos husu sekarik atu hatene informasaun ou atu hato’o prekupasaun halo favor hakbesik ba Estasaun PNTL .