Diagnostika Nasional Bele Hakbi’it Instituisaun Governu nian

Dili, Radio Online. Sekertaria Estado Fortalesementu Institusional (SEFI) Francisco da Costa Soares akompania hosi Ministru Justisa Dionisio Babo halo lansamentu Diagnostika Nasional ba kapasidade Institusional no Rekursu Umanu hodi halo mudansa iha Administrasaun publika, iha Otel Nova Turismu 10/9/2014.

 

Liu husi lansamentu ne’e Asesora ba Politika iha Sekertaria Estado Fortalesementu Institusional Henriqueta da Silva afirma objectivu husi lansamentu Diagnostika nasional konaba kapasidade organizasaun nasional institusional do estado sira nia liu-liu ba iha Governu katak “objectivu espesifiku liu mak atu fo mos hanoin ba membro do governu sira,director geral sira nomos atu hatutan to’o director nasional ho funsionariu tekniku sira konaba importansia kolaborasaun liuhusi informasaun dadus nomos liu husi tipu atu bele konsultas para bele fo informasaun ida nebe los e klaru para bele hamosu rejultadu diagnostika ida nebe diak, los no tuir realidade tuir Timor nian ho nune ita bele fo opsaun politika ruma ba iha governu para bele halo mudansa ruma e fo mos hanoin estratejiku ruma ba iha ita nia governu atu bele halo mudansa entermus hadia kapasidade instituisaun para dezempenu ho diak ba halo atendementu ba publiku liu-liu ba nesesidade povu nian”.

Iha fatin hanesan Ministru Justisa Deonisio Babo realsa katak “tenki halo  Diagnostika Nasional ida e Diagnostika tenki involve instituisaun Estado nian hotu liu-liu iha Governo atu establese planu ne’ebe mak sei obriga instituisaun hotu-hotu atu hare saida mak presija atu halo, premeiru responde povu nia nesesidade, segundu presta servisu diak ba sosiadade e terseiru halo nusa mak bele koresponden ba ita nia planu estratejiku iha linha Ministerias ida-idak e mos koresponde  ba planu estratejiku Dezenvolvementu nasional ne’ebe mak ita hakarak katak iha tinan 2030 atu lori Timor-Leste sai hanesan nasaun ho rendementu medio alto”.

Liu husi Deskursu  Vice Premeiru Ministru Fernando Lasama iha 5/9/2014 hateten katak “liu husi lansamentu Diagnostika Nasional  ne’e bele hakbi’it Instituisaun Governu nian, hodi bele aplika ho diak modelu jestaun dezenvolviomentu inklusivu ne’ebe konsertra duni ba moris diak povu nian, Governu hanoin nesesario tebes atu halo DIAGNOSTIKA NASIONAL ida, hodi hare saida deit mak kbiit, frakezas ou dezafius no oportunidade instituisaun Governu sira nian. Ezersisiu diagnostika ne’e mos sei ajuda Ministerio sira bele avalia aan rasi, hodi bele koriji no hadia buat ne’ebe seidauk lao los.Hein katak ezersisiu diagnostika ne’ebe hetan apoiu husi UNDP, no hahu halao ohin,sei la hotu ho misaun peritu ida ne’ebe deit ,maibe sei sai hanesan starting poit, atu Instituisaun Estadu, liu-liu Instituisaun Governu nian, bele halo bebeik reflesaun ba sira nia lalaok servisu, hodi bele hadia ka koriji lalais, wainhira lao sala ka sai ses tia husi terjetu dezenvolvementu nebe trasa ona”.