
Dili. Radio online. Judiciael System Monitoring Programme JSMP realija Seminariu Nasional ho tema Efetividade & Kualidade Funsionamentu Sistema Justisa Formal ha loron Sesta 12/9/2014 Iha salaun Delta Nova Dili.
Liu husi Seminariu Nasional ne’e Diretor Ezekutivu JSMP, luis de Oliveira Sampaio hateten katak “bazeia ba monitorizasaun JSMP nian durante ne’e, observa iha buat balun mak tenke hadia no iha kazu balun mak tenke presija tau atensaun liu tan e atu asegura katak sira ne’ebe mak sai vitima bele hetan protesaun ba sira nia direitu e sira sei satisfas ba prosesu ne’ebe iha liu-liu sira ne’ebe mak halo sala ou komete krime tenke kondena ho pena ida ne’ebe mak adekuadu duni tuir gravidade krime ne’ebe mak sira komete”.
Seminariu Nasional ne’e Loke ofisialmente husi Presidente Board JSMP Ivo Valente, liu husi biban ida ne’e nia afirma katak ”Seminariu Nasional ida ohin loron ne’e mosu tanba prekupasaun barak ema barak nian konaba kualidade justisa iha Timor-Leste,nune mos tamba peskija ou monitorizasaun jsmp halo durante fulan ou tinan konsege detekta buat balun ne’ebe mak presija hadia iha sistema justisa nia laran”.
Sai orador ba seminariu nasional ne’e mak Polisia Investigasaun Kriminal, Presidente Tribunal Rekursu, Diretora Asistensia Legal ba feto no Labarik(ALfela), Prokurador Jerald a Republika /Adjunta PJR, Defensoria Publiku Jeral.
Marka prejensa iha seminariu nasional ne’e mak, Adjustu Komisaria KAK, reprejentante husi F-FDTL, reprejentante Membro Parlamentu Nasional Komisaun A,autor judisiariu sira, Profesional sira iha setor justisa, membru AATL(Asosiasaun Advogadu Timor-Leste),LBH (Lembaga Bantuan Hukum)sira iha Dili, formador sira iha CFJ (Centru Formasaun Judisiariu), Estudante Universitariu, Instituisaun Govern, Midia no ONG sira ne’ebe servisu iha area justisa no reprezentante sira hosi distrito hanesan fundasaun ECM Baucau no F-FSO Oe-cusse.
