Dili,Radio-Online_Lia hirak ne’e hato’o husi Presidenti Tribunal Rekursu, relasiona ho’o desijaun husi Presidenti da Republika Taur Matan Ruak ne’ebe fo’o Indultu ba Eis Ministra Justisa Lusia Lobato nomos prejionariu nain hat sira seluk iha 30/8/2014, iha Delta Nova 12/9/2014, Presidenti Tribunal Rekursu Guihermino da Silva hateten katak “maske seidauk iha Lei atu regula Indultu maibe presidenti da Republika iha kompetensia tomak atu fo indultu”.
Presidenti Tribunal Rekursu hatutan “Lei la iha atu regula konaba Indultu ne’e ita labele hatene urjente ka la urjente tanba la iha lei ida atu regula ida ne’e, iha deit lina jerais ne’ebe definidas iha konstituisaun hateten katak iha ne’e halo parte konpetensia Presidente da Republika nian maibe konaba Lei ida ne’e Lei seidauk iha para ita bele kolia liu tan Lei la iha para regula”.
Presidente Tribunal ne’e afirma liu tan katak “kuandu Lei seidauk iha entaun Povu sira mos seidauk bele komprende lolos konaba saida mak Indultu ne’e, Lei seidauk regula lolos konaba Indultu e seidauk hatene nia rekizitus oinsa, oinsa mos bele fo indultu ida ne’e ita seidauk bele hatene tamba Lei seidauk iha”.
Iha fatin hanesan Fundador TI-TL (Transparency International Timor-Leste) Nelso Belo hateten katak Preimeiru ita hare katak “Lei konaba Indultu la iha iha konstituisaun kompetensia Presidente da Republika atu fo Indultu atraves husi rekomendasaun mai husi Governu ba lalao prejioneru sira ne’ebe mak iha prijaun laran avaliasaun sira ne’ebe mak mai entaun rekomenda ba Presdenti da Republika para atu bele hetan Indultu”.
Nelson hatutan “agora Indultu ne’ebe mak foin dadauk fo sai iha dia 30/8/2014 e tuir rezulusaun Lei Governu nian looos ne’e iha dia 25 Dezembru foin mak bele fob a prejioneru sira agora dehan katak justu ka la justu konaba Indultu ida foin dadauk fo sai hau hanoin Indultu ida ne’e kompetensia husi Presidente da Republika nian,ita nia prekupasaun mak iha kazu ida ne’ebe make ma rua ga tolu hanesan kazu hanesan kazu Sra.Lucia Lobato nian ne’ebe ninia membru Antonio Freitas ne’ebe involve hanesan mos lolos hetan Indultu maibe tanba sa mak nia lahetan Indultu? maibe ida ne’e tenke iha klarifikasaun husi Governu tamba sa mak sira rekomenda deit Sr.Lucia Lobato maibe la rekomenda mos ida ne’ebe mak involve iha kazu ne’ebe mak hanesan ida ne’e mak sai perguntas bo’ot ba publiku”.
Iha parte seluk Ministru Justisa, Deonisio Babo esklarese katak “esbosu Lei Indultu perpara tia ona e haruka tia ona ba Instituisaun balun atu halo konsulta e sira sei fo sira nia masukan ou sira nia input e depois halo konsulta para hare to’ok se buat ne’e los ona entaun Ministru Justisa lori ona ba iha konselho Ministru no Parlamentu”.
