Dili_Radio Online_Aktividade “Dili Stand Up Comedy” realija iha loron 14/9/2014 no remata iha loron 20/9/2014, iha Timor Plaza, Dili, Presidenti Komisaun Organijador Otelio Ote, imforma katak “objektivu permeiru “Dili Stand Up Comedy”, atu identifika, Timor oan sira, iha kalae ema ne’ebe mak gosta halo komik, segundu atu bele aumenta sira nia esperiensia palku, terceiru atu kria amizade entre ita”.
Ote informa mos katak “Aktividade ne’e realija ho fundu 1000 U$ Dollar, kada media U$ 100 dollar, e ajuda tan husi SEKOMS, ne’e mak atinji programa ne’e”.
Otelio mos esplika tan katak “ ba primeiru lugar hetan montante 150 U$ Dollar, segundu lugar hetan 100 U$ dollar, terceiru lugar hetan 75 U$ dollar”.
Ote hatutan “aleinde Komedi, sei organiza tan eventu ba Hipop”.
Iha fatin hanesan Rubelinu Barros husi grupu Telejornal Arbiru nu’udar vencedor ou primeiru lugar ba eventu ne’e haktuir katak, “ hau rasik iha kedas talentu ida ne’e, sempre hatudu iha eskola, maibe laos iha acara boot nia laran so iha eskola aula laran deit, halo komik atu nune’e bele anima kolega sira, husi buat sira ne’e kolega barak gosta e apoiu ami kontinua tuir eventu ida ne’e”.
Rubelinu haktuir nia esperansa katak“ba oin sei promove nafatin talentu ne’ebe mak ami iha,”
Ba aktividade “Dili Stand Up Comedy” iha grupu hitu mak registu maibe grupu haat mak tama too semifinal final, e grupu tolu tama final mak hanesan grupu REBENTA, TELEJORNAL ARBIRU no INDIVIDU.
Eventu ne’e realija liu husi servisu hamutuk entre midia, hanesan STL, Jornal Matadalan, Timor Post, Radio Liberdade, Radio Labeh, hetan suporta husi Timor Plaza, Lifau Press, Shabat Timor, LISUN
