PR Horta Inagura Sentru Saude Matan ba TL

Radio, online – Prezidenti Republika (PR) Jose Ramos Horta inagura sentru saude matan. Sentru saude matan ne’e hari husi NGO Internasional Australia  The Fred Hollows servisu hamutuk ho Ministeriu Saude.

Serimonia inagurasaun ne’e iha Hospital Nasional Guido Valadares (HNGV) Bidau, Dili Kinta (28/7/).  Kontruksaun ba sentru saude matan ne’e ho valor orsamentu hamutuk US$ 2 milloens.

Iha intervensaun PR Horta hateten, sente kontente ho inagurasaun  edifisiu ne’e tanba sentru matan nasional  ne’e importante tebes ba nasaun TL.

Husi Sentru saude hodi ajuda ema moras no ema kiak  tanba durante ne’e  ema ne’ebe moras matan,  ne’ebe ba konsulta iha klinika privado ho osan bo’ot.

Xefi estadu informa ba ba infermeira no infermeiru, no doktor sira katak, Parlamento Nasional  sei pasa  lei  ho dekretu lei ida atu nune’e  previu ona  doktor sira ne’e be servisu iha fatin rua hanesan klinika privadu no servisu iha governu.

Laureadu Nobel da paz ne’e mos husu ba doktor matan nian ne’ebe servisu iha Sentru Matan  Nasional ne’e bele servisu no fo atendementu ne’ebe diak ba ema moras no ema kiak.

“Hau husu ba imi servisu nain sira tenki  servisu ho laran no profesionalismo hodi atende ita nia povu ho diak atu ses husi moras matan, liliu ba moras katarak,”nia apela.

Iha fatin hanesan Ministro Saude Nelson Martins ba jornalista, Sentru saude Matan nasional  ne’e  importante tebes, tanba parte saude nian fo atensaun barak ba moras inveksaun.

Iha tempu ida ne’e governu sei hare regularia sektor privado sira atu oinsa fo asistensia ho kualidade ne’ebe diak liu tan.

“Ministeriu saude  sempre garantia asistensia  saude ne’ebe gratuita ba populasaun sira,”nia realsa.

Entertantu Diretor Sentru Matan Nasional, Manuel Correa  hateten Sentru matan nasional  ho ekipamentus ne’ebe modernu no sei sai hanesan fatin ida ne’e atu halao aktividade iha Timor laran tomak.

“Fatin ne’e mos hanesan ba peskiza no fo treinamentu ba  infermeira matan nian,”nia esplika.