Dili_Radio Online_Liu husi inagurasaun no aniversariu eskola Colegio Sao Miguel Arcanjo ba dala XIII, segunda (22/9/2014), komoro, Dili, Primeira Dama Isabel Fereira imforma katak “joven sira ne’ebe uja meius eltronik, midia social, uja ba buat ne’ebe pozitivu, internet buat ida ke diak, para ita mos bele halo peskiza ba buat ne’ebe liga ho ita nia eskola no ita nia servisu, atu nune’e ita bele perpara an sai sidadaun ida ne’ebe diak, joven ida diak, para hotu karik ita nia estudu, ita bele kontribui buat ruma ba ita nia familia, ba ita nia komunidade no mos ba ita nia nasaun”.
Primeira Dama hatutan liu katak ”koalia konaba problema sosial iha ita nia nasaun, ba hau hanesan Timor oan, hanesan mos feto no inan, hau prekupa ida ne’e , e hare liu ba aspektu moral, tamba ita lakon ona ita nia valores no prinsipiu sira, tamba ne’e maka iha problema sira ne’e mosu, no ita la prepara atu infrenta problema sira ne’e”.
Iha fatin hanesan Direktor Eskola Colegio Sao Miguel Arcanjo, Matias Boromeu imforma
Kona ba bolsu estudu ne’ebe oferese husi kompanha Dilimark “ bolsu estudu ne’ebe oferese
husi kompanha Dilimark ba estudante tekniku Colegio Sao Miguel, iha criteria lubuk ida
ne’ebe sira hare, permeiru sira hare estudante nia komitmentu estudu, segundu sira hare
abilidade diak, terceiru hare estudante nia prejensa, laos iha ensinu sekundaria deit,maibe
to’o finaliza estudu iha universidade”.
Iha oportunidade ne’e mos, doadores ROTAR internasional apoiu 30 komputadores ne’ebe
oferese ba instituisaun, igreja, no mos centru formasaun balun liu husi CSM.
