Dili, Radio-Online_ Karlito Nunes, Program Officer The International Republican Institute ou IRI afirma objectivu husi seminariu loron ida, ne’ebe realija iha Hotel Ramelau 24/9/2014, katak seminariu ne’e kolia konaba Transisaun Demokrasia iha Timor-Leste.
Karlito mos realsa liu husi seminariu ne’e, IRI konsege identifika dejafius saida mak nasaun sei hasoru iha tempu oin mai liu-liu relasaun ho prosesu transisaun demokrasia husi pasado mai prejente no ba futuru.
Iha seminariu ne’e, hamosu orador nain tolu mak hanesan Eis Vise Primeiru Ministru, Mario Viegas Carasscalao ne’ebe aprejenta kona ba Husi ne’ebe ta mai ? Dejenvolvimentu demokrasia iha Tmor Leste hafoin ukun an. Zacarias da Costa Albano, Eis Ministru Negosiu Estranjeiru, ne’ebe iha nia aprejentasaun koalia kona ba Iha ne’ebe ita agora ? Situasaun demokrasia agora dadaun iha Timor Leste. No ikus liu mak Lurdes Bessa, Presidenti Bangkada PD iha uma fukun Parlamentu Nasional ne’ebe aprejenta kona ba Ba ne’ebe ita agora ? Futuru demokrasia iha Timor Leste.
Liu husi dadalian ho jornalista hafoin seminariu, Zacarias da Costa Albano haktuir katak “demokrasia laos elisaun deit, demokrasia laos hili deit ita nia reprejentante sira ba tur iha fatin-fatin sira ne’e, demokrasia inportante liu mak instituisaun forte “.
Nune’e mos ho Deputada Bessa katak “Timor-Leste hatudu ejemplu, ohin hau fo ezemplo rua mak ajuda guine Bissau sai husi konflitu ida, halo elisaun ne’ebe mak justu no trasparente e ita lori ona guine ekotorial tama ona ba iha familia CPLP nian, fo hanoin ida katak ita hatudu ba sira dalan demokrasia, ne’ebe hau hanoin katak ita nia demokrasia buras dadauk e ba futuru iha dalan ne’ebe buras tan deit” .
Mario Viegas Carrascalao ba jornalista esplika katak “liu husi hau nia aprejentasaun hau kolia konaba pasado ou background demokrasia ba ita nian nasaun ninian e hau konta tuir deit istoria uluk akontese iha tempo portugues nian to’o ita hetan indepedensia”.
Partisipa iha seminariu ne’e mak organijasaun lokal no internasional, universidade no midia.
