Dili, Radio Online_ Direitu sidadaun ba hetan informasaun mak prioridade, lia hirak ne’e mai husi Sekertariu Estadu Komunikasaun Sosial, Nelio Izac Sarmento iha enkontru hamutuk ho Membru CPLP ho tema III Encontro Plataforma das Entidades Reguladoras da Comunicação Social dos Países e Territórrios de
Língua Portuguesa, iha Hotel Timor, Kuarta-feira (1/10/2014).
Sekretario Estadu Komunikasaun Sosial Nelio Isaac Sarmentu salienta katak “enkontru ida ne’e, hanesan oportunidade e hanesan mos dezafios ba ita iha future, oinsa atu halo regulasaun konaba area komunikasaun sosial, ita sei iha desentendementu barak ba kestaun lei ne’e, e agora ita lidera hela fali reuniaun ida pais membru sira ne’ebe koalia lian portugues oinsa mak atu tau plataforma, oinsa atu ajuda malu, tulun malu iha area lei komunikasaun sosial tan ida ne’e mak iha III enkontru ne’e ita sai uma nain, antes ita intrega ba nasaun seluk tinan oin mai”.
Nelio mos akresenta tan katak “konsolidasaun demokrasia ne’e, partisipasaun orgaun komunikasaun sosial maka haforte demokrasia, tamba ne’e maka ita tenke garantia ba liberdade da imprensa, liberdade espresaun, iha kualker maneira ida ne’ebe servisu media sira nian, liu-liu profisaun Jornalista sira nian aktividades lor-loron, iha terrenu, ita hanesan nasaun ne’ebe mak foin hamrik iha 12 anos maibe direitu ba liberdade imprensa nian, direitu ba sidadaun sira atu hetan imformasaun, ida ne’e mak sai prioridade iha kualker lei komunikasaun social”.
Aleinde ne’e Presidente Parlamentu Nasional Vicente Guiterres imforma katak “ita hatene katak dadaun ne’e lei komunikasaun sosial, Presidente da republika haruka fali ba parlamentu nasional, pelu menus Quatro opsoens hanesan ne’e, tan ne’e mak ami sei koalia, e sei halo opsaun ida ne’ebe mak diak liu ba Jornalista sira e ba ita nia rai”.
Vicente mos salienta tan katak “ hau garante ba Jornalita Timorense katak estadu Timorense la persege ema ida, la prejudika, muito menus ninia Jornalista rasik, ida ne’e konvem ke iha konsiensia rasik, e hau husu ba Jornalista sira par bele independente duni, imparsiais duni, objektivus duni, e Jornalista tenke iha konsiensia katak desde referendum too agora laiha Jornalista ida tur iha bekora”.
III enkontru ne’ebe sei halao durante loron tolu hahu ohin ate loron Sesta, partisipa husi membru CPLP sira hanesan Presidente em Exercicio da PER (Plataforma das Entidades Reguladoras) e vice-Presidente do Conselho Superior de Imprensa de Sao Tome e Principe Armindo Aguiar, Conselheiro do Conselho Superior de Sao Tome e Principe Nelson Aguiar, Vogal do Conselho Regular da Entidade Reguladora para a Comunicação Sosial de Portugal Luísa Roseira, Director Nasional de informação do ministerio da Comunicação Social de Angola Rui Fernando Rodrigues Vasco, Vise-Presidente do Conselho Nasional de Comunicação Social de Angola Manuel Correia, Presidente do Conselho Nasional de Comunicação Social de Moçambique Armindo Ngunga, Presidente do Conselho Nasional da Comunicação Social da Guine Bissau Ladislau Clemente Embassá, Vice Ministro da Ministerio da Imformasaun Imprensa e Radio da Gine Equatorial Jose Mba Obama Bendomo.
