Asistensia Hari’I Konselhu Imprensa, SEKOMS Asina MOU Ho Portugal.

Dili,Radio Online_ Liu husi III Enkontro Plataforma das Entidades Reguladores da comunicação de lingua Portuguesa,  iha Hotel Timor 3/10/14. Governu Liu husi Sekertariu Estadu Komunikasaun  Sosial (SEKOMS) asina memorandum de entendementu ho regulador imprensa Portugal hodi fo asistensia ba Timor –Leste hari’I Konselhu Imprensa.

Sekertariu Estadu Komunikasaun  Sosial, Nelio Isaac afirma katak Asina MOU ne’e atu bele fó asistensia ba SEKOMS  oinsa atu hari’i Konselhu imprensa Timor –Leste nian.

Iha serimonia asina MoU ne’e parte rua halo diskusaun oinsa atu profesionaliza liu tan instituisaun  Plataforma Entidades Reguladores ou PER, no halo revizaun ba PER nia kna’ar ba futuru. 

Alende ne’e halo mós diskusaun konaba rekursu umanu husi area jurista iha area komunikasaun sosial nune ‘e bele involve hodi troka komunikasaun ho pais sira CPLP nian.

Nelio afirma liu tan katak konselhu imprensa nu’udar orgaun indepedente ne’ebe nia knar atu fó atensaun ba servisu jornalista sira, e konaba Plataforma Entidade Regulador (PER) Komunikasaun sosial entre nasaun membru Comunidade Paіs Lingua Portugues (CPLP), iha terseiru inkontru hasai rezultadu SEKOMS sei asumi mandate PER  ba tinan ida husi 2014 to’o 2015.