Dili, Radio Online-Governu liu husi Ministeriu agrikutura e Peska selebra loron mundial Ai-han ba dala 34, selebrasaun ho tema Global fo han Mundu tau matan ba Rai ne’e realija iha loron tersa-feira 14/10/2014, iha Jardim Motael, Dili.
Iha biban ne’e Ministru Agrikultura e Peska Mariano Assanami Sabino hateten iha nia intervensaun hateten katak “ita tenke iha inpirasaun hodi hasae ita nia kolaborasaun, hodi halo ita nia kombinasaun ba ita nia esforsu hamutuk hodi hasae estabilidade Ai-han, assesu ba Ai-han, hasae utilizasaun Ai-han ne’ebe nutritive, e ita tenke tau atensaun makaas ba familia agrikultor, labarik, feto no inan isin rua, inan ne’ebe fo susu ba bebe, importante liu mak feto agrikultor no familia ne’ebe maka moris iha kiak nu’udar tarjetu principal ba intervensaun Ai-han no nutrisaun, ida ne’e importante ita kontinua tau ita nia esforsu, husi servisu hamutuk, hodi implementa hamutuk ita nia politika, estratejia”.
Asanami hatutan “Timor-Leste iha ona planu estratejiku kada ministeriu, e ita hatene ona katak setor ne’ebe mak prioridade teb-tebes, ita tau fundu rua ne’ebe importante mak ba infraestrutura no fundu ba kapital humanu, ida ne’e perparasaun, Timor nasaun ida ne’ebe iha prossesu kontrusaun estadu e esforsu tebes, e derivadu husi ida ne’e ita iha inter-ministerial tolu, ida mak inter-minsterial ba setor Ekonomia, segundu mak inter-ministerial ba oinsa mak dezenvolve instrusaun estadu, terceiru mak inter-ministerial ba infra-estrutura”.
Iha fatin hanesan Vice Ministra Saude, Natalia de Araujo hateten iha nia intervensaun katak “selebrasaun loron mundial Ai-han ne’e momentu importante ida ba ita hotu nu’udar humanu atu hanoin hikas importansia ai-han hanesan nessesidade baziku ida ne’ebe fundamental liu ba kontinuasaun moris Umanu, e direitu fundamental ida ne’e haforsa tan iha meta dezenvolvimentu, mileniu numeru un konaba luta hasoru problema hamlaha no pobreza, e atu hakotu mal-nutrisaun iha Timor-Leste ministeriu saude mesak deit sei la halo buat ida, maibe presija suporta liu husi aprosimasaun servisu itersektoral, tamba moras Mal-nutrisaun hanesan moras sosial, tamba failla husi desvalansu sosial hanesan kiak, iha parte kualidade edukasaun, servisu, jeneru, kultura, ekonomia no politika, deklarasaun refere hanesan komitmentu fundamental, husi governu, atu responde problema hamlaha no mal-nutrisaun ne’ebe afeita komunidade Timor-Leste, e bazeia mos ba deklarasaun ne’e minsteriu saude traxa planu asaun no programas hodi responde no atu kombate problema hamlaha no traxa mal-nutrisaun ne’ebe as iha ita nia Nasaun laran, liu-liu grupu espesifiku ne’ebe afeitadu”.
