Iha oras 17.00 loro kraik, loron Quarta 19/11/2014, Komunidade BTN 3 no komunidade Terra Shanta, Komoro, Dili, hamrik nakonu iha area tasi ibun, parte aero porto tamba hetan khosok oan(Bebe) mate, iha plastic laran ne’ebe laloran tasi lori mai tasi ninin.
Josefina dos Reis, komunidade BTN 3, ne’ebe hetan mate isin, isplika katak “ami nain hitu ou walu hanesan ne’e, lao halimar iha tasi ibun, plastic ne’e sei iha tasi laran, bainhira ami atu fila, laloran tasi baku plastic rabat mai ninin, hau haruka alin sirane’ebe hamaluk hau lao, tama foti, dada sai mai, les plastic mak hetan fuk sai, sira hakilar dehan hetan ema, hetan maijumenus iha tuku lima”.
Polisia Patrolia Komoro to’o kedas iha fatin akontesementu, “Tuku 6 loro kraik ami to’o wainhira komunidade liga linha emergensia 112, hodi koordena ba parte patrolia Komoro, Mate isin sei lori ba Ospital Nasional Guido Valadares hodi halo ejaminasaun forensika”.
