TDD Fo Liberdade Immediata ba “Mauk Moruk” no “Labarik”.

Dili.Radio Online.Hafoin fulan sia (9), kumpri prizaun preventiva, Paulino Gama “Mauk Moruk” no Komandante “Labarik”, hetan liberdade immediata husi Tribunal Distrital Dili iha loron Sabadu 13/12/2014.

Tribunal fo ona liberdade immediata ba kliente nain rua (2) hodi hein prosesu tuir mai karik iha evidensia foun, dehan Advogadu Paulo dos Remedios iha loron 15/12/2014 iha nia servisu fatin Metiaut, Dili.

Advogadu Paulo isplika “Iha Marsu Ministeriu Publiku iha provas inisiu ituan kona ba kaju ne’e, komu sidauk iha akujasaun, sira (“Mauk Moruk” no “Labarik”) laiha koondenasaun, Marsu to’o Setembru laiha evidensia foun, laiha akkujasaun, sira dehan iha evidensias maibe to’o fulan Setembru, kliente nain rua (2), ba Ministeriu Publiku la hetan evidensia ida, fotografia ka film ruma”.

Advogadu Paulo hatutan katak “liberdade immediate ne’e hetan liu husi prosesu ida kleur ho pedido husi kliente nain rua (2) ne’ebe hato’o pedido liberdade dala lima (5) ba TDD no Ministeriu Publiku no foin hetan Liberdade immediate iha 5/12/2014 ba pedido dala lima (5).

“Prosesu numeru 26, propoin e kolabora ho justisa, tuir ita nia konhesementu, laiha evidensia foun, kliente sidauk iha akujasaun, sidauk simu arkivamente, Investigasaun ingkeritu sidauk remata, sidauk iha julgamentu, liberdade immediate e laiha kondisoins, se laiha evidensia foun maka sei halo pedido atu taka prosesu ida ne’e iha fulan Janeiro,”, isplika Advogadu ne’e.

Kona ba hadia naran kliente nain rua (2) (“Mauk Moruk” no “Labarik”) Advogadu Paulo mos isplika katak “Ita prepara, atu halo solusaun ne’ebe ita konsidera ejisti, ba oin, sei koalia kona ba liberdade, taka prosesu hafoin ne’e sei  halo rekonsilisaun”.

“Mauk Moruk” kaptura, bajeia ba rejolusaun Parlamentu nian iha Marsu 2014.