Dili, Radio Online. Organizasaun NON Governamental , Judicial System Monitoring Programme (JSMP) Halo Lansamentu Relatoriu Analiza Legal Konaba Rezolusaun Parlamentu Nasional No Guvernu Relasiona ho Demisaun Ofisial Internasional Sira Iha Seitor Judisiariu Iha Loron Segunda (22/12/2014) Iha Salaun JSMP Kolmera DILI.
Bazeia ba Rezolusaun ne’ebe aprova husi parlamentu Nasional ho Nu 11/2014, iha loron 24 fulan Outubru tinan ida ne’e, ejize ba Governu atu halo Auditoria ba Seitor Justisa no Apela ba Terminasaun kontratu Ofisial Internasional sira, ho nune’e Governu mos Imediatamente Adopta Rezolusaun ne’e ho Nu 29 no 32/2014, hodi haruka Ofisial Judisial nain Walu, inklui mos Juiz nain Lima, Prokuradores nain rua no Investigador nain ida husik Timor-leste iha oras 48 nia laran. Relasiona ho rezolusaun ne’e, Diretor JSMP,Luis Oliveira Sampaio, informa ba journalista sira katak Rezolusaun ne’ebe Parlamentu Nasional fo ne’e hanesan Ameasa ida ba ema atu koalia kontrariu ho interese Estadu nian,
Rezolusaun ne’e mos bele fo Impaktu ba Timor-leste atu tama ba iha organizasaun ASEAN. “ne’e mos iha impaktu ida ba Ita nia mehi ka ambisaun atu tama iha organizasaun ASEAN, tamba ema boot sira bele halo desidaun ses husi regra ne’ebe konstituisaun haruka, no povu nia direitu atu assesu ba jusitsa ne’e mos afeitadu” dehan Oliveira Sampaio.
Nia mos aprofunda liu tan rezolusaun guvernu nian deside estabele komisaun ida ba ne’ebe kompostu husi peritu Nasional no Internasional atu halo audotria ba sistema judicial ne’e. Rezulusaun ne’e hanesan forsa maior (Force Majeure) no interse nasional katak ministeriu relevante la renova fali kontratu ba asesor internasional sira iha tribunal, Ministeriu Públiku, Defensoria Públiku, Komisaun Anti Korupsaun (KAK) no sentru formasaun judisiariu.
Nia hatutan katak Force Majeure ne’e bele akuntese iha momentu funu,inundasaun, ka forsa natureza laos hanesan tempu foin dadaun ne’e.
Iha loron 24 Outubru 2014 Parlamentu Nasional (PN) halo rezulusaun atu governu urjentimente halo audit ba seitor justisa no termina kontratu ba juiz internasional sira.
Iha loron 31 Outubru 2014 governu Timor-Leste adopta rezulusaun nu.32/2014 atu obriga ofisias judisiariu internasional nain walu husik Timor- Leste iha tempu/oras 48 nian laran.
