Dili,Radio online,Eis Premeiru Ministru Australia, Hon Kevin Rudd akompanha husi eis Presidente Timor-Leste, Dr. José Ramos Horta, sengunda feira 12/01/2015, hasoru malu ho Presidente da Repúlika Taur Matan Ruak, iha Palasio Presidente, hodi esplika mandate foun neebe sei assume iha organizasaun NasoensUnidas (ONU).
Eis Premeiru Ministru Australia, informa ba jornalista sira katak objetivu mai TL ne’e tamba agora dadaun nia asumi kna’ar hanesan president komisaun Indepedente ba sistema multilateral ONU nia ba tinan rua mai, hodi hare fila fali sistema servisu agensia ONU nian ne’ebe durante hala’o nia misaun iha TL.
“hau nia razaun mai Timor-Leste atu husu Presidente no Primeiru Ministru nia hare kona ba sistema ONU nian iha future tamba TL iha esperensia direita ho UN Peace keeping no Supervisaun elisaun nian tan ne’e ba future UN System estuda fali esperensia husi Timor-Leste”, tenik Kevin Rudd.
Iha fatin hanesan Eis Presidente, Ramos Horta mos informa ba jornalista sira katak Foin dadauk Institutu ida iha New York, institute ba dame nian koñesidu tebes hanesan Independente iha tinan barak nia laran, fo apoiu ba Nasaun Unidas no grupu ne’ebe mak nomea husi eis Primeiru Ministru, Cavin Ruud atu kaer komisaun ida bolu , komisaun ba halo reforma sistema multilateral Nasaun Unidas tomak tan ne’e nia mos hetan fiar hodi asume knar iha organizasaun refere depois nia mandate iha ONU remata.
“hau nia mandate seluk hanesan mos komisaun auto nivel atu reforma ba koperasaun da paz hanesan nasoens unidas nia airin ba dame siguransa maka kopreasaun da paz”, Tenik Horta.
Dr. Horta mos esplika liu tan katak, actual Presidente da Repúblika TL, Taur matan Ruak, apoiu totalmente ba servisu ne’ebe mak, eis Primeiru Ministru, Kevin Rudd, halo para reforma total ba sistema Nasoens Unidas nia no apoiu mos painel komisaun autonivel neebe Dr. Horta rasik lidera.
