FFDTL no PNTL Halo Juramentu La Mete Arte Marsiais

Dili,Radio Online,Primeiru Ministru Kay Rala Xanana Gusmao Iha Tersa-feira (13/1/2015), iha Palasiu do Governu,  fo Juramentu ba Membru  FFDTL no PNTL  hamutuk  285, ne’ebe mak Involve iha  Grupu  Arte Marsiais Tolu hanesan KORK,PSHT,IKS. No deside atu la involve tan iha Grupu Arte Marsiais . 

Primeiru Ministru Kay Rala Xanana Gusmao Bolu Membru FFDTL no PNTL sira ne’ebe  envolve iha Arte Marsiais nia Naran ida por ida  hodi tuir Juramentu maibe Membru FFDTL No PNTL barak mak la partisipa iha Juramentu ne’e. 

“Imi nu’udar Forsa Seguransa, Forsa Defeza   imi iha dever  maka atu assesgura seguransa  ba povu tomak,  Garante Seguransa ne’ebe mak diak, Assumi imi nia Misaun,  atu Defende Rai ida ne’e,  atu Defende mos Interese Povu ida ne’e nian” tenik  Xanana.

 Xanana mos hateten  tan katak  Ita manan tiha ona  ita nia Rai no Foho sira, Agora ita persija manan ita nia Tasi, ita nia dezenvovimentu  foin hahu.  “husu ba FFDTL no PNTL atu garantia ba  estadu  metin, tan ne’e hau husu komprimisiu, auto espiritu disiplina husi imi, auto sub-ordinasaun ba instituisaun,  politika bele diak hotu, maibe kuandu  problema ita boot sira mak iha oin,  nasaun ida ne’e persija imi, mai hamutuk ho mehi ida deit hodi defende ita nia rai, ida ne’e mak konteudu subtansia ba Forsa Seguransa nian,  imi tenke hases an husi Arte Marsiais sira ne’ebe mak imi involve antes imi sai membru FFDT no PNTL, soe tiha hahalok aat sira ne’ebe mak iha,  hau sei respeita imi hotu, povu hotu sei respeita no hadomi imi  ho imi nia prezensa no   imi nia  interese ba  servisu  ne’ebe mak diak hodi defende soberania  Nasaun  ida ne’e nian”.

Iha fatin hanesan  Sekretarariu Estadu Juventude Desportu  Miguel Manetelu  husu ba  membru FFDTL no PNTL sira ne’e, ativu iha grupu arte marsiais sira ne’e halo funsaun hanesan exersisiu desportu nian, grupu ne’ebe mak taka tiha ona labele loke tan, “juramentu ida ne’e komprimisiu ne’ebe  todan tebes  sira atu halao tuir sira nia deveres iha instituisaun ne’ebe sira pretense ba hanesan Timor oan, membru FFDTL no PNTL sira ne’ebe mak tuir ona Juramentu  konsidera ona sira nu’udar eis Arte Marsiais husi grupu hirak ne’e, sira tenke atuasaun  imparsial,   wainhira lei koalia ona katak Arte Marsiais tolu ne’e taka ona mak sei hetan tan sira loke sub-subar  iha fatin ruma maka ida ne’e illegal,  Husu membru FFDTL no PNTL hotu tenke   iha sentidu de estadu,  sente hanesan Timor oan atu assegura ita nia soberania, ” Dehan Secretariu Estadu Juventude.

Membru FFDTL no PNTL hotu foti Liman ba Bandeira RDTL, FALINTIL, PNTL hodi jura katak  sei kumpri  deveres no knar tomak ne’ebe simu atu halao nudar membru FFDTL no PNTL, Seila tauk no seila hanoin aat no sei la iha odiu malu.

Ba sira ne’ebe mak seidauk partisipa iha juramentu ne’e, sira tuir fali iha tempu tuir mai, sei iha juramentu mos ba lideransa sira no funsionarius hotu.