PR Apoiu PM Fo Juramentu Ba Membru FDTL No PNTL.

Dili, Radio online, Sekretariu Estadu  Seguransa  Francisco da Costa Guterres Hasoru Malu ho Prezidente da Republika de Timor-Leste  Taur Matan Ruak,  iha Kuarta-Feira(14/1/2015) Hodi  Hato’o Relatoriu sobre  Primeiru ministru fo Juramentu ba Membru  FFDTL no PNTL ne’ebe mak involve iha Arte Marsiais.

Sekretariu Estadu  Seguransa  Francisco da Costa Guterres hateten hasoru malu ida ohin ho prezidente atu relata deit relatoriu serimonia Juramentu ba membru FFDTL no PNTL.

“ Membru Defeza no Seguransa sira ne’ebe uluk involve iha arte marsiais  Renova sira nia juramentu para sai membru Defeza no Seguransa ne’ebe mak Diak liu,  e ba oin atu nune’e sira bele husik ona  sira nia grupu oi-oin ne’ebe mak uluk sira tuir ona,  maibe agora hatene katak sira grupu ida deit, kor ida deit laiha tan seluk, ”

“Se karik membru FFDTL no PNTL sira ne’ebe halo tiha ona juramentu mak sei involve  nafatin  iha arte Marsiais,  Hakarak ka lakoi Governu  sei  foti Desizaun  Hasai sira husi nia servisu nu’udar  FFDTL no PNTL nian,  sei la iha tan  sansaun seluk ba sira.” Dehan Guterres.

Sekretariu Estadu  Seguransa Francisco da Costa Guterres hateten  tan Prezidente konkorda tebes  no Apoiu tebes ho desizaun Primeiru Ministru nian,  Prezidente mos  husu atu kontrola nafatin membru FFDTL no PNTL  atu labele involve tan iha kualker Arte Marsiais,

“ Sei halo identifikasaun mos ba membru FFDTL no PNTL sira ne’ebe iha Distritu hodi Halo mos juramentu ba sira, ba sira ne’ebe seidauk partisipa iha juramentu,  sira  tenke justifika, selae  sei  Hasai sira husi  nia kargu,  tamba sira hili liu Arte marsiais duke sira nia kargu, ” Tenik Francisco da Costa Guterres