Portugal Reafirma nia vontade hodi kontinua fo apoiu ba Dezenvolvimentu Timor-Leste no hametin diak liu tan relasaun entre rai rua ninian.
Asuntu ne’e hato’o husi Sekretariu Estadu Komunidade Portugal, José Cesário ne’ebe akompanha husi Embasaidor Portugal ba Timor-Leste, Manuel António de Jesus, wainhira hasoru malu ho Prezidente Republika (PR), Taur Matan Ruak, Segunda (19/01), iha Palasiu Prezidensial, Nicolau Lobato, Aitarak laran, Dili.
“ Ohin ami enkontru ho Prezidente nudar amigus, ami nia komprimentus ba Governu no hodi reafirma vontade katak Portugal, sei kontinua kontribui b adezenvolvimentu iha Timor- Leste ba hametin relasaun povu rai rua ninian,” hatete José Cesário ne’e.
José Cesário hatutan, koperasaun ne’ebe globalmente mak hanesan, sei fo importante ba lian Portuguesa.
“Ohin hau transmite ba Prezidente, hau nia enkontru ho profesores iha Baucau, diak ba evolusaun ne’ebe mak sira transmite husi Profresores ba alunus sira. Hau transmite ida ne’e ba PR, normalmente projetu sira ne’e, projetu ne’ebe ita hetan susesu barak, naturalmente depende ba vontade, governu rai rua, inklui autoridade nasaun rua ninian no importante liu mak bap ovu,” informa Jose.
Ikus liu nia hateten, naturalmente Prezidente konkorda ho asuntu ne’ebe mak transmite, relatimante ho asuntu eduksaun nian.
