Karta Kondusaun (SIM) Temporariu Prolonga, Orizinal Kontinua La Hetan

Dili, Radio Online, “Hahu tinan 2014 de janeiru komesa trata ona karta kondusaun (SIM)  maibe to’o 2016 sei hetan nafatin karta kondusaun provijoriu”, dehan Anjelito Pinto ba Jornalista radio Liberdade, iha Direcção Nasional de Trasportes Terrestres, Balide, Dili, 20 /1/2015 .

Anjelino haforsa Liu tan katak durante ne’e nia karta kondusaun troka ba dala  tolu ona  maibe seidauk hetan karta kondusaun ne’ebe orijinal tamba husi parte Direcção Nasional de Trasportes Terrestres esplika ba sira katak uja lai karta kondusaun ida profizoriu ne’e tamba makina Avaria.

Iha Fatin hanesan Natalino Do Rozario, Director Nasional Direcção Nasional de Trasportes Terrestres hatan ba kestaun ne’e katak, ”tamba sa mak seidauk hetan karta kondusaun ne’ebe Orzinal, ida ne’e tamba printer ba produs karta kondusaun iha hitu e depois blanko SIM nian mos agora pronto, iha hela, so que, iha ne’e tamba deit plastik laminatin, iha fulan outobru kompania  ida mak manan ona tender atu suplay plastik laminatin ne’e, mai para ami bele produs karta kondusaun orizinal maibe ate agora sasan hirak ne’e seidauk to’o,  tamba ne’e mak sira balun sei hetan karta kondusaun temporariu”.

“kompania ida ne’ebe mak manan tender ne’e, kompania naran Dalela nia mak manan tender suplay laminatin  ne’e  ,to’o agora seidauk suplay mai, maibe ami mos dejenraska buka tan kompania balun para bele hatama lalais laminatin ne’e mai, ne’ebe ami tenta dadauk ona muda-mudahan semana ida ou rua tan laminatin ne’e bele to’o mai ona para ami bele halo prosesu lalais ona ba maluk sira ne’ebe mak sei kaer hela  karta kondisaun ida provizoriu ne’e,” Natalino Esplika. 

Alein ne’e Natalino Esplika katak durante ne’e laos makina mak Avaria maibe durante ne’e mesin hamutuk hitu diak hela so platik Laminatin mak la iha, ne’ebe agora sira servisu hamutuk ona ho kompania Dalela ho kompania ida seluk, e  kompania Dalela sei hatama plastik laminatin  50, kompania ida seluk sei hatama plastik laminatin 20, se laminatin ne’e mak to’o mai ona, loron ida sira bele produs karta kondusaun hamutuk 300, tamba mesin hitu standby.