Dili, Radio Online, Hahalok ne’ebe mak Mauk Moruk ho nia Membru halo hanesan Krime publiku, Dehan Primeiru Ministru Xanana Gusmao hafoin Hasoru malu ho Prezidente da Republika Taur Matan Ruak hodi koalia Situasaun Estabilidade iha Rai-laran, iha Tersa-Feira(20/1/2015) iha Palasiu Presidente Bairo Pite.
Primeiru Ministru Xanana Gusmao hateten hahalok ne’ebe mak halo Husi Mauk Moruk ho nia membrus sira hodi asaltu polisia, sunu polisia nia kareta no hakanek membru polisia ne’e hanesan krime publiku kontra estadu.
“ Mauk Moruk halo hahalok ne’ebe at liu ou Pior liu fali antes nia ba Prizaun”, dehan Xanana.
PM Xanan mos realsa liu tan ita hatun ita nia seguransan sira mesmu kondisaun konkreta laos atu halo funu maibe hodi garantia deit seguransa no garantia estabilidade ba populsaun sira.
“ Hau husu boot Mauk Moruk mai rende deit hodi entrega ona Pistola rua ne’ebe lakon, tamba komandante distrital husu ba Mauk Moruk atu liberta tiha Polisia komunitaria, maibe Mauk Moruk nafatin la fo ulun, iha mos gravasaun ida husi Mauk Moruk katak Xanana mak mai Baukau ho Forsa mos ita Ran hotu iha ne’e, maibe hau ba to’o iha ne’eba nia halai”, tenik Xanana.
Relasi ona ho kaju soe granada iha embaixada, Xanana koalia “Tuir hau nia hanoin, kazu ne’ebe akontese iha embaixada Amerika, ne’e bele iha diversaun ou komplementalidade katak problema rua ne’e hamutuk ou iha relasaun, sei reuniaun hodi akompana atu identifika didiak” dehan Xanana.
