Dili, Radio Online, Moral mai husi Familia no konsiensia rasik, hateten virgilho da Costa Ornai Presidente komisaun F ne’ebe mak trata asuntu konaba edukasaun, saude, Kultura, Veterandus e jeneru, iha Kuarta-Feira(21/1/2015) iha parlamentu Nasional.
Virgilo Hateten dekadensia de moral sai hanesan prekupasaun ba publiku, “Problema sira ne’e akontese tamba mos ita falta de moral, problema sira ne’e mosu bar-barak tamba mos dalaruma koalia liafuan ne’ebe mak ladiak hodi hasoru ema seluk, karik ida seluk la satisfas ho liafuan ne’e entaun ida ne’e mos bele hamosu ona problema”.
Virgilo mos hateten tan Moral mai husi Familia uma laran no konsiensia rasik, “ Inan-aman presija kontrola oan sira wainhira sira koalia liafuan ne’ebe ladiak iha inan-aman nia oin ou sosiedade nia leet tenke hasee, labele husik sira livre deit, maibe pior liu tan se wainhira Inan ho aman rasik mak koalia liafuan ne’ebe ladiak iha oan sira nia oin”.
Ornai realsa tan ba parte edukasaun professor sira lalika kaer livru hanorin deit, “Moral mos mai husi edukasaun, professores sira labele hanorin deit materia iha livru no hakerek deit iha papan, maibe presija mos hanorin oinsa atu halo komunikasaun ne’ebe diak hasoru ema seluk. Preisija mos siensia de moral. Liuliu professor ne’ebe hanorin material reljiaun”.
