Idelta : SEPI Aviza Rezultadu ICJ ba Prezidente.

Dili. Radio Online, Sekretaria Estadu Promosaun Igualdade (SEPI) Idelta Maria Rodrigues  Ho Dra. Natercia kandidatura Intenasional Corp Of Justice ICJ  Hasoru malu  ho  Prezidente da Republika Taur Matan Ruak  iha Tersa-Feira(19/1/2015) iha Palasiu Prezidente Bairo Pite,  hodi  Aviza Rezultadu Kandidata Dra Natercia ba iha ICJ .

Sekretaria Estado Promosaun Igualdade (SEPI) Idelta Maria hateten Kandidata Doutora Natersia ba iha ICJ maske la manan maibe orgullu tamba hetan ona esperiensia balun konaba Kandidatura ba iha ICJ, “Ita laos kandidata deit iha parte Asian nian, maibe ita tuir mos iha parte Eropa hotu, tamba ita kandidata iha ICJ ne’e konkore mos ho ASEAN,  iha primeiru ronde ita lakon Sira husi Korea mak Sai manan, iha segundu ronde fo oportunidade mos ba Timor-leste,  konkore mos pozisaun ne’e hamutuk iha Eropa, Tamba ita tama iha Setimu Lugar (urutan ke 7), orgullu tan mos tamba ita tuir husi ronde primeiru too iha final,  hamutuk ronde 20, maibe iha Ronde  ikus mak Timor-leste lakon,” Dehan Idelta.

Sekretaira Estadu Promosaun Igualdade Idelta Maria esplika liu tan  aviza mos ba Prezidente da Republika Taur Matan Ruak  konaba kandidatura Komite CEDAW kandidata husi Senhora Milena Pirez  tinan haat eleitu iha 2010 too dezembru 2014 remata ona, “Senhor Prezidente da Republika mos husu, sekarik iha posibilidade ONU husu nafatin Timor-leste atu konkore kandidatura ba CEDAW, SEPI  persija atu kontinua ida ne’e,  Maske ita rai kiik maibe ita mos bele liu fali rai balun ne’ebe boot, maske  ho esperiensia ne’ebe natoon ne’ebe mak  ita iha,” tenik Idelta.

Sekretaria Estadu, Idelta mos hateten tan konaba Violensia hasoru feto ne’ebe dadaun akontese iha ita nia nasaun, “ami halo kampanha, sosializasaun prevensaun violensia hasoru feto, esforsu hotu ami koko halo ona maibe konsiensia ne’e mai husi ema ida-idak, hodi hapara violensia hasoru feto, ami halo kampanha mos iha transporte publiku, tamba  violensia domestika bele mosu mos iha Transporte publiku laran,  governu  iha komitmentu nafatin hodi esforsu oioin”.

Idelta mos husu ba joven sira katak Tempu agora tempu eskola, Prepara an ba futuru rasik no futuru  nasaun nian. Imi mak jerasaun nasaun ida ne’e nian, lalika habadak vida ba malu, sekarik iha problema buka solusaun liu husi dalan ne’ebe mak diak.