Dili, Radio Online, Diploma ou Ijasah la iha kualidade tamba nia kontiudu ne’e balun halo ho makina e balun hakerek ho liman e depois la iha uniformidade. dehan Membro Parlamento Nasional Inacio Moreira ba jornalista radio liberdade iha uma fukun parlamento nasional 21 /1/15.
“informasaun ne’ebe mak ami simu mak Ensino Tekniko Profisional Becora, Simu ijasah ne’ebe kontiudu ba iha Diploma tomak babain ne’e hanesan tenke prepara hotu hakerek mos ida ne’ebe mak tenke hakerek ho liman ida ne’ebe mak tenke halo imprime ho makina, bainhira sira kuandu hare buat ne’e lahanesan ho diploma sira anterior sira, sira husu ba responsavel husi ministeriu edukasaun ninian husi parte ne’eba hateten ba sira dehan fali ida ne’e imi hakerek ho liman deit, hau hanoin ita halo servisu ne’e hanesan halimar fali e diploma ne’e ita hotu hatene katak diploma ida ba ema matenek nain ida, ne’e nia tenke konservado e hela hanesan lembransa ba ronan laek nian”, Isplika Inacio.
Iha fatin hanesan Presidente komisaun F ne’ebe mak trata asuntu konaba edukasaun, saude, Kultura, Veterandus e jeneru Virgilio da CostaHornai husu ba Ministeriu Edukasaun atu rekoila diploma sira ne’ebe mak hatun tia ona hodi produs fali diploma ida ne’ebe mak ho kualidade tamba ida ne’e mos fo hanesan kondekorasaun ida ba estudante sira tamba sira remata ona sira nia estudu, sira tenke hetan diploma ida ne’ebe diak .
Antoninho Pires Director Geral Ministério da Educação respota ba kestaun ne’e katak “Diploma ne’e kuandu ita hateten katak la iha kualidade, ne’e iha asuntu buat rua, ida asuntu fiziku, ita hare ba nia modelu, ida fali ita hare ba nia kontuidu, e ninia isi laran, ne’e mak ita hare tenke tuir kurikulum, desde nia isi laran ne’e tuir kurikulum ona, ne’e la iha problema, agora nia modelu mos hanesan, desde nia modelu ne’e bele akomoda saida mak iha kurikulum ne’e nomos akomoda saida mak ejijensia edukasaun mundial ninian, material sira ne’ebe mak tranfersais ka universal, ida ne’e hau hanoin nia kontiudus ne’ebe ita tenke bele buka akomoda pois akomoda tia ba fali ninia modelu e modelu ne’e defende husi estadu ida ne’e e estadu ida ne’e soberanu ona Ministério da Educação determina ona nia modelu ida ne’e desde sai ona husi legalidade ida husi ministeriu e ministeriu fo ona legalidade katak format ida ne’e ou formulariu ida ne’e mak sai hanesan dokumentu nasaun ninian, hau hanoin la iha ema ida dehan katak labele, so nasaun timor maka dehan bele ou labele, estadu timor liu husi Ministério da Educação tenke fo ninia kredensial desde iha ona kredensial ida ne’e hau hanoin la iha problema”.
Director Geral ne’e esklare tan katak “diploma baibain iha balun mak hakerek ho liman e diploma ne’e bahasa karik tidak mutlak laos mutlak atu hakerek ho makina, desde bele hetan ona kredensial ida husi instituisaun ne’ebe kompetente dokumentus nasaun nian ne’e hanesan ne’e”.
