Dili, Radio Online, Prezidente da Repúblika, Taur Matan Ruak, husu Ba Paulino Gama ‘Mauk Moruk’ atu lalais entrega-an hodi kontribui ba estabilidade nasaun nian.
“ Mauk Tenki entrega an hodi kontribui ba estabilidade nasaun nian, estabilidade polítiku, sosial, siguransa ne’e sagradu, ita hotu tenki fo ita nia kontribuisaun, Timor oa ne’be diak tenki fo nia kontribuisaun ba estabilidade nasaun nian, prezidenti ejiji ida ne’e”, dehan prezidente iha Kuartel Jeneral F-FDTL Fatuhada Dili, iha loron, 22/01/2015.
Xefe estadu informa liu tan ba jornalista sira katak president Konsellu Revolusaun Maubere (KRM), MaukMoruk, sei intrega-an tamba durante tinan walu sia (9) iha ai laran nia hatene diak kona basaidamak paz.
“ paz ne’e hanesan osan mean ne’ebe kualker ema presija, Nia mos Presiza, ita hotu presiza no nasaun mos presija” tenik Xefe Estadu.
Nia hateten dadaun ne’e, nia preokupa liu ba povu nia moris laiha tempu atu resolve problema ne’ebe pasadu nian.
“president laiha tempu atu hare problema passadu maibe president preukupa ba joven sira ne’ebe mak laiha servisu, oan sira ne’ebe la asesu ba edukasaun, ba populasaun sira ne’ebe seidauk asesu ba bee mós ida ne’e mak sai preukupasaun bo’ot ba hau” dehan Taur.
