Dili, Radio Online, Planu iha ona atu halo reforma ba membru FFDTL ne’ebe mak atinji ona idade 60 ba leten, dehan Maijor Falintil Forsa Defeza Timor-Leste (FFDTL) Lere Anan Timur, iha Kinta-feira (22/1/2015) iha Kuartel Jeral FFDTL Fatuhada.
Maijor Falintil Forsa Defeza Timor-Leste (FFDTL) Lere Anan Timur hateten tenke halo duni sistema reforma, atu nune’e hare deit jerasaun foun sira ou joven sira ne’ebe mak mai, tamba katuas sira idade 60 e 70 ital, sira ne’e ita atu impoin disiplina ne’e ladun diak, tamba sira nia forsa ne’e menus ona.
“Sira ne’ebe atu pasa ba reforma ami estatutu tiha ona saida mak sira nia dever no direitu ami define hotu ona iha estatutu, entaun implementasaun reforma ba membrus FFDTL ne’ebe mak ho idade 60 ba leten, mais ne’e la signifika katak rigorozu liu”, dehan Lere.
Lere dehan ita profisionaliza deit jerasaun foun joven sira, atu nune’e ita impoin disiplina, impoin regras Militares.
“ dadaun membru FFDTL hamutuk nain Sanolu resin-sia mak atu halo reforma, tamba sira nia idade too ona 70 ital, maibe ultimo ita mos tenke rekonhese sira nia esforsu no sakrifisiu, tamba sira ne’e maioria uluk iha ai-laran kuaze ke hotu-hotu, balun funu 24 anos, mai servi tan instituisaun FFDTL tinan sanolu” tenik Lere.
