PM iha kompetensia tomak atu halo Re-estruturasaun

Dili, Radio Online, Primeiru Ministru, Xanana Gusmão, agora dadauk perpara ona lista membru guvernu, iha tempu besik bele forma ona estrutura foun V guvernu konstitusional atu nune’e bele funsiona fali servisu guvernu nia ho diak relasiona ho planu ne’ebe trasa ona.

Asuntu hirak ne’e hato’o husi, Deputadu Bankada Fretelin, Inacio Moreira, iha uma fukun Parlametu Nasional, hafoin sesaun plenaria,  iha Tersa feira 27/01/2014

Deputadu ne’e informa liu tan katak, remodelasaun laiha impaktu ba Serbisu Guvernu nian, tamba programa hirak ne’ebe mak sei lao kontinua ho planu ne’ebe mak trasa tiha ona ho orsamentu ne’ebe aprova  tiha ona ne’e mak sei aloka ba iha programa sira ne’e se lao iha estrutura foun V governu konstituisional nian.

“Individu ida ne’ebe mak sei assume karguh anesan Ministru, vise ministru, no sekretariu estadu, ne’e kontinua deit exekuta planu hirak ne’ebe iha tiha ona” dehan Moreira 

Nia akresenta liu tan, husi guvernu actual ne’ebe kompostu husi 55 ne’e sei hatun ba iha metade. 

“Ita hein deit, kompetensia hirak ne’e iha partidu ida ne’ebe manan iha V guvernu konstitusional, Primeiru Ministru mak iha poder tomak para bele halo re-estruturasaun” dehan Moreira.