Angela : Hau Firmi Ho Pojisaun Politika, Longuinhos Halao Knar Komisariu Polisia

Dili, Radio Online, “Hau firmi ho hau nIa pojisaun Politika, Longguinhos Halao Nia Knar Nudar Komisariu Polisia”, Lia hirak ne’e hato’o husi Presidenti Partidu Trabalista, Angela Freitas, ba jornalista Radio Liberdade Dili, iha Kinta 29/1/2015, iha nia knar fatin Sede Partidu Trabalista, relasi ona ho informasaun ne’ebe espalia iha midia katak iha mandatu kapturasaun ba nia an.

Angela isplika katak “relasi ona ho situasaun seguransa iha rai laran, ida ne’e preokupasaun ita hotu nia, hanesan lideransa partidu trabalista, hau hamrik firmeja ho hau nia pojisaun, hanesan ema politika ida, ne’ebe ke haree hotu ba problema sira ne’ebe ke povu ohin loron ne’e hasoru, tamba ne’e hau la halo diskriminasaun ba kualker ema ida, tan ne’e hau divulga informasaun ba publiku, ne’e hanesan transmiti telephone ne’ebe ke Maun Mouk Moruk telephone mai, buat hotu hotu ne’ebe nia hato’o, hau transmiti tuir lolos saida mak nia koalia, tan ne’e, laos husi parte hau, hau rasik, maibe hanesan lideransa hau buka oinsa kolabora e kontribui saida mak hau bele, tamba hau sempre mos kontaktu ho Forsa sira e hau sempre pronto atu kontribui saida mak hau bele, atu bele buka meius oinsa para atu hakotu situasaun ne’e”.

Kona ba mandatu Kapturasaun ba nia an, Angela afirma katak “Kona ba kapturasaun sira tenki iha rajaun ida ne’ebe mak forte, tamba Longuinhos mos tenki halao nia knar hanesan Komisariu Polisia nian, hau halao hau nia knar hanesan ema politika ida, ne'e duni nasaun ita hotu nia, ita hotu nia responsabilidade, hau hanoin katak hau nia intervensaun ne’e hanesan ema politika ida, hau sidauk halo krimi hasoru kualker ema ida, e hau sidauk halo instabilidade, e hau rasik iha inisiu hau nia servisu hanesan politika, hau jero toleransia ba violensia, hau sempre hakarak buka meius oinsa atu rejolve problema ho meius ida pasifiku, ho meius ida ho solusaun ida koletivu, ida ne’e mak hau hakarak”.