UPF hetan Motorizadas 15 Husi Embaixada EUA.

Dili, Radio Online, Embaixadora  Estados Unidos Amerika (EUA) Karen  Stanton  Fahe motorizada sanolu-resin-lima no makina atu detekta  droga ba Polisia Unidade Fronteira (UPF) iha Tersa-Feira(3/2/2015) iha Kuartel Jeral PNTL, Kaikoli, Dili.  

Segundu Komandante Komisariu  Afonso de Jesus hateten, Embaixada Estados Unidos America (EUA) Nia tulun, diak, tamba bele ajuda prossesu servisu Investigasaun nian.

“Unidade Polisia Fronteira (UPF)  mos parte ida husi seguransa, sei iha ligasaun ho Polisia Nasional Timor-leste (PNTL), Embaixadora Estados Unidos America Karen Stanton ajuda barak ba parte seguransa”, dehan Afonso.

Segundu Komandante ne’e dehan tan sente orgullu tebes ho ajuda husi Embaixada Estados Unidos America.

“Sente orgullu ho ajuda ne’ebe embaixada Estadus Unidos Amerika fo tamba bele ajuda servisu seguransa nia, bele ajuda mos servisu Unidade Polisia Fronteira (UPF) nia, tamba bainhira atu fo ou hatutan  imformasaun ba PNTL sira mos presija detekta uluk tiha lai, hanesan droga”. tenik Afonso.