Dili, Radio Online, Prezidente da Repúblika, Taur Matan Ruak, konvoka enkontru ho Bloku koligasaun (BK), hodi husu sira nia opinaun konaba estrutura foun V guvernu konstituisional.
Reprezentante Bloku koligasaun, Fernando de Araujo, Tersa Feira 03/02/2015 informa ba jornalista iha Palacio Prezidente, Aitarak laran, Dili, katak bloku sei eziste nafatin.
“Prezidente da Republika bolu ami, atu husu ami nia opinaun no ami informa ba xefe estadu katak ami bloku sei existe”, dehan reprezentante Bloku Koligasaun.
Nia hatutan, xefe Estadu, husu ba Bloku Koligasaun kontinua deskuti konaba estrutura foun ne’ebe mak sei mai no Prezidente tau nafatin nia desponibilidade hodi rona bloku nia opinaun.
“konaba estrutura foun bloku koligasaun ne’e, Primeiru Ministru, kay Rala Xanana Gusmão, mak iha kompetensia tomak tamba hanesan presidente ba partidu CNRT ne’ebe mak hetan votus barak liu iha elisaun 2012”, isplika Nia.
Relasiona ho informasaun ne’ebe mak espalla ona iha públiku katak Primeiru Ministru sei resigna-an husi nia kargu, Reprezentate Bloku Koligasaun ne’e hateten PM nia rejigna-an bloku sei tetu no seidauk iha desizaun final.
Nia akresenta liu tan maske PM hakarak rejigna-an maibe partidu Bloku Koligasaun ne’e kontinua ba oin.
