Dili, Radio Online, Moras ispa sae as iha instituisaun PNTL nia laran, hateten Inspektur Sefi Klinika Polisia Nasional Timor-leste (PNTL) Abilio De Araujo Gonsalves iha nia knaar Fatin Klinika PNTL Kaikoli Dili, iha Tersa-Feira(3/2/2015).
Inspektur Sefi Klinika Abilio De Araujo Gonsalves Hateten, Moras ispa sai hanesan Moras ne’ebe as liu iha isntituisaun PNTL nia laran.
“Moras ispa as iha Instituisaun Polisia Nasional Timor-leste (PNTL) tamba kauza impaktu husi Rai rahun, tamba konstrusaun dalan sira ne’ebe nakonu ho rai-rahu”.
Inspektur Sefi Klinika Abilio mos Kestiona tan, fasilidade sira seluk kompletu, maibe masker mak laiha, atu salva Membru PNTL sira ne’ebe servisu iha terrenu, atu labele afeita moras ispa.
“tamba Membru PNTL barak mak lor-loron halao nia knaar iha terrenu, liu-liu Polisia Tranzitu, lor-loron halao nia knaar iha estrada ninin, ne’ebe nakonu ho rai-rahun”, dehan Abilio.
Relasiona ho prekupasaun hirak ne’e, Prezidente Komisaun F Parlamentu Nasional, Virgilho Ornai hateten katak, “Masker laos buat Karun ida, ne’ebe persija gasta osan barak, liu-liu Unidade Polisia Tranzitu deit mak atu uja”, tenik Virgilho.
“ Tuir nia (Virgilho) hanoin ministeriu sira, bele halo transferensia osan ba nessesidade Polisia nian, para sira bele fasilita ba sira nia servisu lor-loron, automatikamente Polisia Tranzitu ne’e lor-loron halao knaar iha estrada publiku, ne’e konsekuensia barak ba sira nia saude”.
