PR Husu OpozisaunNia Opinaun

Dili, Radio Online, Prezidente da Repúblika  (PR), Taur Matan Ruak, Kuarta Feira 04/02/2015, bolu Partidu Opizisaun hodi husu sira nia opinaun antes fo tomada de posse ba iha Governu foun ne’ebe sei mai.

Lia hirak ne’e hato’o husi reprezentante partidu opozisaun (FRETILIN), Dr Mari Alkatiri ba jornalista sira iha Palasiu prezidente, Aitarak Laran Dili, hafoin halao enkontru ho Xefe estadu.

“Tuir kontituisaun ne’ebe iha katak antes Xefe Estadu, fo tomada de posse ba guvernu tenki rona partidu hotu-hotu ne’ebe la hola parte iha Guvernu, ne’e mak partidu  FRETILIN”, dehanAlkatiri.

Nia afirma partidu opozisaun la kandidatu Rui Araujo hodi assume kargu nudar Primeiru Ministru, maibe nia hetan konvite husi Prezidenti partidu CNRT, Kay Rala Xanana Gusmão,  no FRETILIN fo dalan ba nia bazeia ba Konferensia Nasional partidu FRETILIN nian ne’ebe hala’o iha tinan kotuk.

Alkatiri esplika katak razaun Partidu opozisaun fo dalan membru sira atu assume knar iha guvernu foun mai ne’e atu serbi nasaun diakliu tan.

Alkatiri akresenta liu tan, partidu opizisaun nafatin garantia paz no estabilidade iha rai ida ne’e.