Dili, Radio Online,
United Nations Development Program (UNDP), kontinua fo apoiu nafatin ba dezemvolvimentu, inklui paz no rekonsiliasaun iha Timor-Leste.
Assuntu hirak ne’e hato’o husi embaixadora boa vontade, programa Nasoens Unidas ba dezemvolvimentu, Haakon Magnus, ba jornalista sira iha Palacio Prezidente, kinta feira 05/02/2015, hafoin enkontru ho Prezidente da Republika, Taur Matan Ruak.
“Hau iha ne’e nudar embaixadora boa vontade programa UNDP husi Organizasaun Nasaoens Unidas nian , hau nia prezensa iha ne’e sei kontinua nafatin fo apoiu ba dezemvolvimentu iha Timor-Leste hodi sai diak liu tan” dehan Embaixador .
Embaixador ne’e krarifika liu tan katak Objetivu principal husi nia vizita ne’e atu koalia kona ba aktividade sira ne’ebe relasiona objetivu dezemvolvimentu milenunian no inklui dezemvolvimentu paz no rekonsiliasaun iha Timor-Leste.
Iha fatin hanesan Xefe Casa Civil, Fidelis Mangalaes, informa ba jornalista sira katak embaixador nia vizita ne’e atu espresa nia apresiasaun ba Timor-Leste relasiona ho TL nia koperasaun ho instituisaun ONU ho komunidade Internasional ne’ebe durante ne’e lao diak, no embaixada ne’ebe kontinua espresa nia vontade hodi aprofunda liu tan relasaun diak ho Timor-Leste.
