SES Despede PNTL, Agradese Ba Apoiu

Dili, Radio Online, Sekretariu Estadu Seguransa Francisco Guiterres despede ho Polisia Nasional Timor-leste (PNTL), Iha Kinta-Feira 5/2/2015, iha Salaun Kuartel Jeral PNTL, Kaikoli, Dili.

Hafoin serimonia despedidas ho Polisia Nasional Timor-leste (PNTL), Sekretariu Estadu Seguransa Farncisco Guiterres hateten prinsipiu ne’ebe Primeiru Ministru Iha ne’e diak  tebes, para konsolida instituisaun hotu, konsolida mos Demokrsia Rasik, “despede ne’e hanesan agradesimentu ba Komandante jeral, komandante sira seluk no  Polisia tomak, ba apoiu tomak ne’ebe mak PNTL fo mai hau durante tinan hitu ho balun”,dehan Francisco.

SES Francisco mos espera katak ema ne’ebe mak sei troka nia fatin, sei halo servisu ho diak liu tan, no Instituisaun PNTL sei lao ho diak, “hili ema ne’ebe mak komprende situasaun seguransa, atu nune’e,  lori instituisaun PNTL  ne’e lao ho diak, no garantia situasaun estabilidade ba povu hotu”, tenik Francisco.

Francisco dehan tan “hau sei fo apoiu nafatin ba ne’ebe sei troka hau nia fatin, hau mos sei defende nafatin servisu PNTL nia, tamba hau hatene servisu PNTL nian”.

Iha fain hanesan Komandante Jeral PNTL Longuinos Monteiro hateten agradese tebes ho Sekretariu Estadu Seguransa (SES) Francisco Guiterres nia kolaborasaun durante servisu, “ita agradese ba SES Francisco hanesan membru governu ida ne’ebe fo kontribuisaun boot ba dezenvolvimentu  instituisaun PNTL nia laran”.