Dili, Radio Online, Komandante Jeral Polisia Nasional Timor-leste (PNTL), Longuinos Monteiro, halo rotasaun servisu Komandante Polisia Distrital sira, ne’ebe Partisipa husi Sekretariu Estadu Seguransa (SES) Francisco Guiterres, iha Kinta-Feira 5/2/2015, iha Kuartel Jeral PNTL, Kaikoli, Dili.
Hafoin serimonia rotasaun ba Komandante Polisia Distrital sira husi distritu ida ba distritu seluk, Sekretariu Estadu Seguransa hateten ne’e hanesan politika ne’ebe komando jeral iha, hanesan refreshing deit, “Ne’e kestoens ne’ebe normal, muda komando husi fatin ida ba fatin seluk, para komandante ida labele hela kleur iha fatin ida, sira bele enkaisa fali iha situasaun foun, ema ne’e bele resolve problema ou situasaun foun”, dehan SES Francisco.
Iha fatin hanesan Komandante superintendente Munisipiu Baukau Jose Mouk hateten, “aleinde halo rotasaun ba Komando Ditrital, Komando jeral fo sai mos rezultadu avaliasaun ba Relatoriu Servisu Komando Distrital sira hotu”, dehan Jose Mouk.
