PNTL Kontinua Halo Operasaun Ba Mandatu Kapturasan

Dili, Radio Online, PNTL Sei implementa nafatin mandatu ne’ebe fo husi Tribunal ba kazu Mauk Moruk, dehan Komandante Superintendente Munisipiu Baukau, Jose Mok, hafoin partisipa iha Serimonia Rotasaun ba Komado Ditrital, iha Kinta-feira 5/2/2015,  Kuartel Jeral PNTL.

Komandante Superintendente Munisipiu Baukau, Jose Mok hateten dadaun Membru Polisia Nasional Timor-leste (PNTL), sei halo nafatin operasaun ba ema sira ne’ebe mak mensionadu iha mandatu  kapturadu, “agora rumoris barak mosu, entaun sei estuda didiak, ita konsidera balun  los, balun mos sala, dalaruma ne’e politika ida atu manobra ka desbia konsentrasaun parte seguransa nia, maibe parte seguransa sei mantein nafatin no  kontinua halo operasaun”.

Jose Mok Dehan tan,  “durante ne’e Mauk Moruk nia membru hamutuk 53 mak bolu halo investigasaun, nain rua-nolu mak hetan aplikasaun, lori ba tribunal hodi submete ba julgamentu, nain Sanolu Resin-ida hetan Prizaun Preventiva, nain Sia hetan aplikasaun”.

Jose Mok mos hateten tan katak identifika ona iha Munisipiu Baukau iha postu administrasaun Baagia iha suku balun hetan amiasa husi Grupu Mauk Moruk, “postu administrasaun Baagia, komunidade iha suku balun, hetan intimidasaun fo hahan no animal ba Grupu Mauk Moruk, maibe Komunidade sira tauk atu halo Keisa”.

Jose Mok husu Komunidade Sira labele tauk atu hato Keisa, hodi sai faktu ba Seguransa sira.