Servisu  Bombeirus Ejize Kapasidade Fizika, Mentalidade no Profissionalismu.

Dili, Radio Online, Membru  Bombeirus Foun Hamutuk 35 tuir exame  kona ba  Formasaun Salvamentu de grande Angulo, iha Sesta-Feira 6/2/2015 iha Kuartel BOB Bairo-Pite.

Alipio Jose Vieira nu’udar responsavel ba treinamentu ne’e hateten, treinamentu ne’e nia objektivu atu salva vitima ruma monu iha rai naruk.

“Membru sira ne’ebe tuir treinamentu ne’,e totalmente 35, feto 9, mane 29, sira halo salvamentus de grande angulo, tara an uja tali husi fatin as, atu nune’e membru sira bele hatene oinsa atu salva, wainhira iha ema ruma monu ba rai naruk, ou monu iha posu naruk, sira bele ona iha kbiit no kapasidade atu tulun vitima ruma”, dehan Alipio.

Alipio dehan tan servisu nu’udar Bombeirus ejize tebes kapasidade fizika,  mentalidade no profisionalizmu, “Treinamentu sei kontinua nafatin Durante sira sei sai nu’udar membru Bombeirus nian”.

Iha fatin hanesan Augusto F. De Jesus nu’udar partisipantes haktuir mos nia sentiment katak “hau sente kontente tebes tamba formasaun ida ne’e atu aumenta deit ami nia kapasidade sai embru Bombeirus ne’ebe mak diak,  atu nune’e ami bele  halao ami nia servisu ho professional liu tan”. 

Augusto hateten tan “prontu atu tuir Formasaun saida deit, maske formasaun dala ruma halo trauma oitoan, tamba liu husi formasaun sira ne’e atu kapasita liu tan ami”.