Iha Prosesu Transformasaun Servisu Longuinhos Hahu Rekonhese Servisu SES

Dili, Radio Online, Komandante Jeral Polisia Nasional Timor-Leste,  Longinhos  Monteiro,  halo rekonhesimentu ba sistema servisu Sekretariu Estadu Seguransa iha prosesu transformasaun servisu, iha Kinta-Feira, 12/2/2015, iha Sekretariadu Seguransa, Kaikoli, Dili.

Komandante Jeral Polisia Nasional Timor-Leste Longuinhos Monteiro hateten ba Jornalista sira katak “hasoru malu ho Sekretariu Estadu Seguransa atu rekonhese deit ba knaar foun ne’ebe mak sei halo iha VI Governu mai, Wainhira atu halo Transformasaun Servisu, tenke iha ideia foun ida ba knar foun ne’ebe mak ita sei halao”, dehan Longinhos.

Longinhos hateten tan “hetan mos briefing husi Sekretariu Estadu Seguransa Francisco Guiterres konaba sistema servisu no jestaun no oinsa atu organiza servisu, “depois assume kargu foun tenke halo mos mudansa ruma ba instituisaun ne’e, tuir ona Dekretu Lei ne’ebe mak Governu foun orienta, Ministeriu hotu tenke elabora nia Planu, no dekretu lei foun para bele akumula responde nessesidade ba lei foun”.

Longinhos  esplika tan tuir planu iha loron 27/3/2015, loron PNTL nia mak sei iha nomeasaun  assume  kargu foun Komandante Jeral Polisia Nasional Timor-Leste PNTL Nian, “hare konaba Assume kargu Komandante Jeral PNTL foun , ne’e kompetensia hau nia,  wainhira hau  iha kargu foun, hau rasik mak sei indika, e  propoin fali ba governu”.

Iha fatin hanesan Sekretariu Estadu Seguransa Francisco Guiterres hateten sai hanesan ema sivil laos atu kritika maibe sei nafatin fo apoiu e tenta atu defende nafatin Governu, “sente triste wainhira iha governu ida, ema halo buat ne’ebe diak maibe sei dehan at nafatin, ida ne’ebe halo at ne’e dehan at liu tan”.

Francisco hateten tan ita tenke iha kultura ida rekonhese ema nia servisu no Valoriza ema nia sersisu, “hau (Francisco) espera no optimista  katak Minstru foun no Governu foun sira sei sussesu no halo buat ne’ebe mak diak liu tan iha future”.