Dili, Radio Online, Mandatu Kapturasaun Grupu Conselho Revolusionario Maubere (CRM) ne’ebe Falta deit semana ida, dehan Adjunto 2º Komandante PNTL Afonso de Jesus, iha Sesta(13/2/2015) iha Kuartel Jeral PNTL Kaikoli.
2º Komandante PNTL Afonso dehan tan wainhira mandatu Kapturasaun Grupu CRM ne’ebe tribunal fo remata maibe sei iha posibilidade atu konitnua halo operasaun.
“ Hau espera katak ho prezensa Komandante foun Munisipiu Baukau nia ne’ebe Transfere husi Munisipiu Vikeke, situasaun Baukau garante Estabilidade diak liu tan”tenik Afonso.
Iha Fatin hanesan Komandante Interinu Komando Opersaun Superintendente Natercia E.S Martins hateten Grupu CRM ne’ebe lidera husi Paulino Gama (Mauk Moruk) membru hamutuk 53, falta ema nain 12 mak seidauk Kaptura, sira ne’ebe kaptura tiha ona dadaun iha Prizaun Preventiva.
“ Wainhira mandatu kapturasaun ne’e hotu, Polisia sei koordena ho ministeriu publiku, para bele halo Prolongamentu ba iha mandate Kapturasaun ne’e , atu kontinua Operasaun ba Grupu CRM hodi hatan iha Justisa. ”dehan Natercia.
Natercia Husu ba Komandante CRM Paulino Gama (Mauk Moruk ) ho konsiensia nu’udar Timor oan, kria estabilidade iha ita nia rai, hodi entrega an, no hatan ba iha parte justisa, lailka soe tempu hodi buka malu tan.
