PR Husu Ba Guvernu Atu  Sai Instrumentu Hodi Serbí Nasaun

Dili, radio online, Prezidente da Republika, Taur Matan Ruak, segunda feira 16/02/2015, iha palasiu Nobre Lahane, husu membru VI Guvernu Konstitusional hamutuk 38, ne’ebe simu tomada de pose, atu sai instrumentu  hodi serbi nasaun Timor-Leste.

Prezidente da Republika iha nia diskursu hateten, “pose ba VI guvernu konstitusionalsai nudar pasu foun ba ida iha dalan ba ita nia objetivu atu konsolida Estadu, hametin ekonomia no hadia kondisaun moris nian no mos afirmasaun no ezersisiu ba soberania nasionál ”.

Iha fatin hanesan Primeiru Ministru imposadu, Rui Maria de Araujo, iha nia diskursu hateten, “ukun na’in sira iha VI Guvernu Konstitusional ne’e, biar ida-idak ho ninia konviksaun polítika rasik, maibe sira sei tau interese povu nian aas liu, kualker interese partidu nian”.

Primeiru Ministru hateten sei hala’o koopersaun diak ho nia membru sira liliu Ministru ba planeamentu no investimentu estratéjia atu kaer metin dinámika ekipa nian,  hodi liberta povu ida ne’e.