Dili, Radio Online, Planu atu nomea Komisariu foun seidauk bele publika, hateten Komandante Jeral PNTL Longinhos Monteiro wainhira marka prezensa ikus iha reuniaun konaba planu preparasaun ba loron Polisia Nasional Timor-Leste nian iha segunda (16/2/2015) iha Kuartel Jeral PNTL, Kaikoli.
Komandante Jeral Komisariu Longinhos Monteiro hateten, “tuir planu sei halo tomada depose ba komisariu foun iha loron aniversariu Polisia Nasional Timor-leste, 27-marsu-2015”.
Iha fatin hanesan adjunto Komandante jeral PNTL Afonso de jesus hateten nomeada ba Komisariu foun ne’e desizaun politik, “servisu hanesan ema professional, halao ita nia papel hanesan ema professional, ita labele kandidata an ba komisariu foun, komforme desizaun politika mak determina”dehan Afonso.
Afonso hateten tan seidauk hetan lista konaba naran se mak kandidata ba komisariu foun.
