Dili, Radio Online, Polisia sei Mantein ninia pozisaun hodi kontinua halo operasaun ba grupu illegal Mauk Moruk ho nia membrus, dehan Segundu Komandante Komisariu Afonso De Jesus iha Tersa 17/2/2015, iha Kuartel Jeral PNTL.
Komandante Komisariu Afonso De Jesus Hateten PNTL sei mantein nia opersaun servisu, teknikamente Komandante Munisipiu Baukau nia servisu, “hau fo apoiu tomak ba komandante Munisipiu Baukau, oinsa mak atu koopera hamutuk ho popusaun sira atu hametin estabilidade”, dehan Afonso.
Afonso hateten tan “komandante Munisipiu Baukau planea aktividades Polisiamentu Komunitaria atu hametin relasaun ho komunidade”, tenik Afonso.
Sorin seluk, Polisia Nasional Timor-leste, liu husi Departamentu Polisiamentu Komunitaria planea, iha tinan ne’e (2015), sei fahe Motorizada ba Ofisial Polisiamentu Suku (OPS) iha Munisipiu 12, hateten Boavida Ribeiro iha Tersa 17/2/2015, iha nia knaar Fatin Kuartel Jeral PNTL Kaikoli Dili.
Xefe Departamentu Polisia Komunitario Superintendente Boavida Ribeiro hateten nivel Politiku sira fo apoiu espesifiku makaas hodi fo motivasaun ba progressu lalaok servisu Polisiamentu komunitaria ninian oinsa atu bele halo sussesu atividades Polisiamentu Komunitaria, “hein katak tinan ida ne’e (2015) OPS sira sei hetan Motorizadas hamutuk 249 hodi halao servisu iha suku ida-idak iha Munisipiu hotu”, Tenik Boavida.
aleinde ne’e Boavida hateten tan Sekretaria Estadu antiga iha dirasaun prevensaun konflitus Komunitarias ne’ebe mak durante ne’e nia rede forte tebes, servisu diak hodi halo apoiu ba servisu Polisiamentu Komunitaria hodi hare ba prevensaun Krime, “Kuaze tinan-tinan PNTL foti problema boot tolu kompostu husi akomodasaun, komunikasaun no transporte, tinan rua ona Komando tenta resolve asuntu Transporte nian ba OPS”, dehan Ribeiro.
