Dili, Radio Online, Eks Sekretariu Estadu Defeza Julio Tomas Pinto, Entrega Dokumentus ba Ministro Defeza Cerilho Cristovao, iha Tersa-feira 17/2/2015, iha Kuartel Jeral FFDTL, Fatuhada, Dili.
Eks Sekretariu Estadu Defeza, Julio Tomas Pinto hateten, wainhira entrega dokumentus konaba planu Forsa 2020 no planu dezenvolvimentu Forsa Armada, ba Ministro Defeza Cerilho Cristovao katak, “iha tempu oin mai hau husu Ministro Defeza presija servisu hamutuk ho FFDTL, konaba planu revizaun forsa 2020 no konaba autoridade nasional Maritima”, tenik Julio.
Julio mos husu atu iha Futuru mai koordenasaun entre Ministro Defeza no FFDTL sei diak liu tan nune’e instituisaun Defeza ba oin diak liu tan, “programa importante liu iha Defeza mak dezenvolvimentu rekursus humanus, hau sei lao hamutuk ho Ministro Defeza, hau sei fo apoiu tomak”.
Iha Fatin hanesan Ministro Defeza Cerilho Cristovao hateten, “hau husu eks Sekretariu Estadu Defeza Julio Tomas Pinto atu fo nafatin nia apoiu mai hau, ho esperiensia sira ne’ebe mak iha ona, hau atu hatutan deit servisu sira ne’ebe mak durante ne’e Eks Sekretariu Estadu Defeza halao ona”, dehan Cerilho.
iha fatin hanesan Major jeneral Lere Anan hateten tempu mak halo ita hasoru malu, Tempu mos mak halo ita fahe malu, ba Eks Sekretariu Estadu Defeza Julio Tomas Pinto, “Eks Sekretariu Estadu Defeza Julio Tomas Pinto ho Ministro Defeza Cerilho Cristovao ida deit, maske ida uluk Sekretariu Estadu, ida Ministru, espera nain rua sei fo apoiu ba malu”.
