Dili, Radio Online, Iha VI Governu ne’e sei fo Prioridade liu Estradas, Pontes, Bee no Eletrisidade dehan Ministro Obras Publliku no Transporte e Komunikasaun Gastaun Souza, iha Kuarta 18/2/2015, iha Salaun MOPTK, Kaikoli.
Ministro Obras Publliku no Transporte e Komunikasaun MOPTK Gastaun Souza hateten iha VI Governu sei kontinua deit Programa ne’ebe mak aprova tiha ona iha V Governu Konstituisional, “iha VI Governu ba Ministeriu ida ne’e (MOPTK) sei mantein ho prioridade liu ba Populasaun sira ne’ebe mak seidauk Assesu ba Estrada, Ponte,Bee no Eletrisidade iha territoriu Timor laran”.
Gastaun hateten tan, “Ministro Obras Publliku no Transporte e Komunikasaun (MOPTK) persija servisu hamutuk mos ho Ministeriu Finansas, hodi Kontrolu Viaturas, no oinsa atu hare konaba kareta sira ne’ebe hatama mai iha ita nia nasaun laran”.
Gastao hatutan projeitu Portu Tibar importante tebes ba futuru nasaun nian nune’e sei implementa iha tempu besik, “iha Governu foun iha ministeriu ida ne’e primeiru sei resolve uluk situasaun Portu Tibar, no Aeroportu Dili ne’ebe importante tebes”.
Iha Fatin Hanesan Eis Ministro Transporte no Komunikasaun (MTK) Pedro Lay Hateten iha Tinan ida ne’e Governu Tenke konstrui ona Portu Tibar, tamba portu Dili kloot los, “iha tinan ne’e tenke Governu implementa ona Projeitu ne’e, dadaun tama ona ba faze pra-kualifikasaun, sei iha Kompanha 4 mak Kompetiza, Kompanha ne’ebe mak liu iha pra-kualifikasaun mak sei responsabiliza ba projeitu ne’e”.
Pedro Lay hateten tan Servisu Portu Foun iha tibar ne’e MTK servisu hamutuk ho IFC dadaun nia prossesu lao, “espera, iha tinan ida ne’e Portu Tibar bele ona konstrui projeitu ne’e, atu nune’e bele atende ro sira ne’ebe tama Sai”.
